_تهربي؟
نطقها بتركيز وهو يتناول من حب الذرة المشوي فرمقته بيأس ناطقة:
بتهزر حضرتك!
هز رأسه نافيا وهو يؤكد كلماته قاصدا كل حرف بها:
أنا مبهزرش يا "ملك" أنا وأنتِ عارفين إنه مستحيل نكون مع بعض هنا يبقى نهرب.
اضطربت حقا في هذه اللحظة وكأن طوق النجاة عبوة سامة أيضا نجاتها جمعت النقيضين فتحدثت بتردد:
محدش هيسيبنا إيه الثقة اللي بتتكلم بيها دي.
ضم كفها متحدثا بعيون صادقة لمع فيها حبه لها:
أنا مش هسيبك يا ملك... أنا عندك مش كفاية!
_طب نفكر تاني.. ممكن يا "فريد" ؟
سألته منتظرة إجابة تريحها فتحدث بابتسامته التي تجعلها تحلق عاليا:
ممكن يا عيون فريد.
كانت تراقبهم بل كانت أقرب لهم من أنفسهم، ابتسمت بسخرية وهي تلتقط صور لشقيقتها الأكبر مع ذلك الجالسة معه وعيونها تلمع ببريق جذاب فقالت بنبرة منخفضة ضاحكة بسخرية:
يا اخواتي عليكوا عصافير!
تابعت وهي تعدل من وضع الطاقية الخاصة بسترتها على رأسها كي ترحل من هنا:
لما نشوف أمك بقى يا ست ملك هتعمل ايه لما تشوف صورك وأنتِ دايرة على حل شعرك كده.
اختتمت بعيون لامعة بالتحدي:
مبقاش إسمي "شهد" لو ما ربيتك يا "ملك".
#وريث_آل_نصران
#اقتباس_ثان_من_الأحداث
مساء الفل 💙
حماسكم ايه للرواية الجديدة؟ ❤
وقولولي تفتكروا شهد هتعمل ايه؟ 😂
YOU ARE READING
وريث آل نصران
Actionحينما يحاسبنا على الذنب أهل الذنب أنفسهم! قد كان يطمح في حياة هادئة، شاب اقتحم الحياة وفتح ذراعيه لها فلم يجد نفسه إلا شريد لا يعرف أين الطريق و أصبح لا يردد سوى: تائه، حائر، سئمت... بأي ذنب أنا قُتِلت؟ أما هي فكانت ترضى بالقليل، أمنيتها الوحيدة أ...
