_ بلاش يا "بيريهان"، بلاش علشان نفسك.
تحذير " عيسى" كان صارم، هنا في غرفتها، وقبل دقائق من خروجها لحفل خطبتها... تفاجأت به هنا بعد دقائق من ارتداء الفستان، حاولت أن ترد عليه برجاء:
علشان خاطري يا "عيسى"، بص للموضوع بنظرة تانية... صدقني الانسان ممكن يتعمي عن حاجات كتير، متخليش " ملك" تسيطر عليك حاول تقعد معاها وتخليها تصارحك.
ظهر الاستنكار جليا على وجهه ثم رفع سبابته أمام وجهها منذرا:
اللي أنتِ بتتخطبيله برا ده شيطان، عرف يوقعك وبضحك عليكِ، لا حبك ولا عمره هيحبك... واخدك كوبري
ردت عليه ساخرة وقد قاطعت حديثه:
مبيحبنيش وبيحب "ملك" صح؟...
ضحكت بغير تصديق متابعة:
مش ده اللي هي مفهمهولك؟... أنت حر يا عيسى براحتك... وأنا برضو حرة.
أشار لها بالنفي قائلا بنفاذ صبر:
لا أنتِ موهومة... أنا حقيقي مشفق عليكِ، وأنا ماشي بمبدأ اللي يصعب عليك يفقرك.
انكمش حاجبيها باستغراب من جملته الأخيرة المبهمة ولكنها سريعا ما وضحت حين قال بحزم:
من اللحظة دي أنتِ بالنسبالي مش "بيريهان ثروت" أنتِ واحدة وقفت مع "شاكر" ضدي، وإن طاله حاجة واتأذيتي مش هتصعبي عليا.
حاولت منعه من الخروج قائلة بإصرار:
استنى يا "عيسى" بس.
ابتسم بسخرية ثم أردف باستهزاء:
مبروك يا عروسة.
أخرج من جيبه أوراق نقدية وألقاها على الطاولة بإهمال متابعا وهو يشير عليها:
نقطتك اهي.
اسودت عيناه وبرز الوعيد فيها وهو يختم حديثه بقوله:
والنقطة الكبيرة استنيها يوم الفرح إن شاء الله،
هتبقى ليلة متتنسيش.
تخطاها وخرج صافعا الباب بقوة جعلتها ترتجف وهي تفكر في كل الطرق الممكنة والغير ممكنة لتأمين يوم زفافها من أي سوء.
اقتباس خفيف كده من فصل بكرا إن شاء الله ❤
فصل الفرح بقى هيبقى أسطوري وهو هيبقى كمان تلات فصول بالظبط فاستعدوا 😂💙
#وريث_آل_نصران
YOU ARE READING
وريث آل نصران
Actionحينما يحاسبنا على الذنب أهل الذنب أنفسهم! قد كان يطمح في حياة هادئة، شاب اقتحم الحياة وفتح ذراعيه لها فلم يجد نفسه إلا شريد لا يعرف أين الطريق و أصبح لا يردد سوى: تائه، حائر، سئمت... بأي ذنب أنا قُتِلت؟ أما هي فكانت ترضى بالقليل، أمنيتها الوحيدة أ...
