شيخه : حسيت اني ام تأكل عيالها
زايد : انزين انتي امنا ونحن عيالج
شيخه : شو شايفيني عيوز ؟
ياسر : ليش انتي هب اكبر منا ؟
شيخه : لا حشى
( دخلوا نوره وحمدان )
حمدان : شي أكل ؟
زايد : وعليكم السلام
نوره : عيل يدتيه وين
كلهم : ماندري
حمدان : شو تاكلون ؟
شيخه : الحين ياي انا خلاص غسلت ايدي
حمدان ( يشوف نوره بنظرات بريئه ) : عادي نوره بتقطع لي فروت
نوره ( بابتسامه مصطنعه ) : من عيوني
حمدان : الترتيبات الي اشوفها برا صدق ؟
زايد : هي نعم ، شي في خاطرك ؟
حمدان : يحطونا معاهم
ياسر : انت و منو ؟
حمدان : في هاي مالك حايه
ياسر : والله اني كنت رايح اقول حق يدتيه ، لكن كيفك
حمدان : لا يا ريال استهبل ، والله لو بعض ناس يحسون
شيخه : لا لا هب وقته
حمدان : حد ياب طاريج ؟
شيخه : مادري اتحراك تقصدني انا وأحمد
حمدان : ميود وعواش ، تراه يشتغل ومعاشه يسدنا كلنا
نوره : وانتم شو يخصكم ؟
حمدان : لا يعني بس من كثر المعاش ، واحمدوه هب ناقصنه شي
زايد : وانت شو ناقصنكم ؟
ياسر : هيه تراك تدير فلوس الشركه ، على اسا مايطلع لك مبلغ محترم اخر الشهر
حمدان : والله يدي هب مقصر ، لكن تبون الصدق معاش ميود واحمدوه اعلى المفروض يعرسون قبلنا
زايد : وشو دخل العرس في المعاش
حمدان : والله مادري
( طلعت فاطمه وفي يدها جيز كيك )
زايد : هلا هلا بالحامل و المحمول
ياسر : الله شكلها يشهي
( دخلت عاشه تركض )
عاشه : اصبروا بقص حق ميود و عقب كلوها
زايد : ميود ناشب في كل شي و بعدين مسوينها حقيه
عاشه : ترا بقص به قطعه صغيره
( قصت له قطعه صغيره )
شيخه : وايد عليج قصي اكبر
عاشه : لا لا بعدين بيخترب نظامه
شيخه : فطوم قصي حق احمد
ياسر : انزين منو بيقص حق ياسر ؟
حمدان وانا : منو بيقص لي ؟
( كلهم يضحكون )
***
وصلن روضه وفطيم البيت ، دق ابوهن على روضه وقال لها اتييه الغرفه يبا يرمسها في موضوع ، اما فطيم دخلت تتعدل وتتجهز ، بعد ماخلصت كتبت حق البنات الي جاهزه تطلع الحديقه عشان يستقبلون الضيوف ، في الحديق كانت ام خليفه قاعده وعدالها فطيم ؛
ام خليفه : علومها رويض
فطيم : يسرج حالها
ام خليفه : ابوج رمسها
فطيم : هيه رمسها
ام خليفه : يعني درت ، نزين شو سوت
فطيم : طارت من الفرحه ، ماصدقت
ام خليفه : ربي يسعدها ويرزقها على صبرها
فطيم : اللهم امين ، وانا بعد ادعيلي
ام خليفه : الله يرزقج بذاك الريل الصالح والي بيهديج ويمشيج على السراط المستقيم
فطيم : مابا الريل ، انا ابا دعوه حلوه
ام خليفه : اقولج اباج في موضوع
فطيم : افا عليج آمري
ام خليفه : تعرفين بعد هني ثنينه يحبون بعض
فطيم : افا عليج اعرف
ام خليفه : خبريني منو يحب منو
فطيم : ها بس تراني هب متأكده ، ها بس احساسي
ام خليفه : بتقولين ولا شو ؟
فطيم : احس حمدان ونوره يحبون بعض بس من تحت لتحت
ام خليفه : كيف يعني ؟
فطيم : يعني يحبون بعض بس مايبون يبينون لبعض
ام خليفه : هيه ومن بعد ؟
فطيم : وزايد وشمسه يناسبون بعض ، واحسهم يحبون بعض ، بس مادري عنهم ، يعني ماشفت شي عليهم
ام خليفه : صح لاقين على بعض ، ومنو غيرهم ؟
فطيم : احمدوه وشيخوه و ميود و عواش
ام خليفه : اعرف عنهم هذيل ابا حد ثاني مثل هزاع اخوج و سالم او فيصل اخوج
فطيم : يدوه في شو تفكرين ؟
ام خليفه : بسوي لهم حركات وبيوزهم
فطيم : ما ادري في شو تفكرين بس احس حماااس يدوه انا معاج في كل شي
ام خليفه : بس ابا تتحين عن الموضوع
فطيم : افا عليج بشتغل تحريات انا
يتبع ،،،
بارت 13 : معك . . العُمر احلى
Začať od začiatku