في الزوايه قاعد راشد و قدامه شواية البرقر و عداله روضه تساعده ، و عدالهم جدر حمدان مال الباستا و عدال حمدان قاعدين هزاع و فيصل يسوون بيتزا اما سلامه كانت تروح و ترد على حمدان تشوف الباستا و سالم مستلم المشروبات يخلط خلطات على كيفه و يخليهم يجربون ، بعد ما تعشوا و ين العاملات و لمن العشا بدت السهره الحقيقه ( سوالف و حش ) دخلت فطيم المطبخ تسوي اربع دلال شاي احمر و تيب لهم كرتون الحب ، و نوره زاحت تيب لحف ( ثرو ) حقها واحد و الباقي للبردانين ، كل ثنين عشاق تشاركوا في واحد و السناقل تموا عيون يطالون العشاق ، كملوا سهرتهم لين ماطلعت الشمس بي ضحك و حش و ذكريات و سوالف من الماضي و الحاضر و بين تحديات و اغاني ، اذن عليهم الفجر راحوا الشباب للمسيد و البنات دخلن البيت يصلن وبعدها كلموا الشباب السهره برا لي شروق الشمس بعدها ادخلوا قسمهم يرقدون اما البنات صلن و رقدن على طول .
( قبل لا يرقدن )
شيخه : بنات هل من الممكن انج تسامحين اكثر شخص رخصج
فطيم : لا مستحيل
شيخه : هل هو طبيعي انج تسامحين شخص سبب لج صدمات نفسيه
نوره : لا هب طبيعي شو العذر الي بتسامحينه عشانه ؟
مريم : آسف بالغلط ؟
شيخه : انزين يمكن يكون هالشخص اغلى شخص عندك
مريم : و انسى كل شي على حساب نفسي
فطيم : شيخوه شو تقصدين ؟
شيخه : ما اقصد شي ، بس اسأل بشكل عام
فطيم : مافي شخص يستاهل اني اسامحه علو حساب نفسي
***
( اليوم الي بعده )
الساعه 3 الفجر طلعت عاشه من القسم تمشي بخطوات خفيفه و كأنها حراميه ، دخلت المطبخ و لقت جيك موهيتوا بارد فوق الطاوله طلعت لها كوب من الكبت و شربت كوبين و لأنها ايعانيه طلعت لها ادومي و جطته على الغاز و فتحت تلفونها ولعبة لعبتها المفضله ( قرية السنافر ) كانت مندمجه في اللعبه و ما لاحظة دخول هزاع :
هزاع : ما شاء الله سهرانه
عاشه : بسم الله طار قلبيه
هزاع : حق منو الاندومي ؟
عاشه : حق بطنيه
هزاع : انزين كيف يسوون اندومي ؟
عاشه : احلف ؟ ماتعرف كيف تسوي اندومي ؟!!
هزاع : ليش شي غريب يعني
عاشه : بصراحه هيه صدمت عيشتي
هزاع : لاني عادتاً ما اكله بس ريحته تشهي
عاشه : خلاص بسوي لك معايه
هزاع : شكراً
***
