( في اليوم الثاني )
كانت منسدحه ساره قدام المسبح تسوي تان وهي لابسه شورت وقميص قصير ، مر راشد عدالها وانصدم ، دخل الميلس ؛
راشد : منو هالمفصخه الي برا
أحمد : رويض
راشد : تخسي
فيصل : يعني ماعرفتها ؟
راشد : هو ليش انا قدرت اشوفها اصلاً
فيصل : هاي ساروه
راشد : حسيت ، محد يسوي هالحركات غيرها هي وفطيم وشيخوه
أحمد : شيخوه لو تسويها برتكب جريمه انا
راشد : تراك تخليها تطلع بسروال وقميص
فيصل : اسمه لقنز
أحمد : ع الاقل هب شورت
***
( سالم قاعد هالكرسي الي عدال ساره )
سالم : يسعدلي جوج
ساره : نزين روح البس شورت وتعال التان موجود
سالم : هب حر ؟
ساره : لا ، اذا حريت اعفد المسبح ثلج
( قام سالم يبدل ثيابه )
***
( في الميلس )
راشد : ها مايستحي ؟
أحمد : ها اونه يدعمهم
فيصل : منو هم ؟
أحمد ؛ هذيلاك الها
راشد : هيه هيه
***
بعد صلاة المغرب كلهم اجتمعوا في الميلس ، بو خليفه و حمدان وروضه قاعدين على طرف عندهم كم ملف يراجعونه اما ، البنات قاعدات على طرف يحشن فالعرب الي يوهم يوم ملجة روضه ، الشباب قاعدين في الجلسه الي برا مع يدتهم ، كتب راشد لروضه في السناب ؛
راشد : بطلع اتقهوى ، تطلعين معايه ؟
روضه : ماخلصت الملف الي في يديه ، خلها ريوق باجر
راشد : خلاص عيل باجر بنروح نتريق ، انا عيل بطلب اسكريم تبين شي ؟
روضه : ابا اسكريم روز
راشد : زين شي ثاني
روضه : الناس تقول من عيوني ان شاءلله
راشد : الحين من عيوني بتخليني رومنسي
روضه : برايك
راشد : زين
***
طلب راشد ايسكريم منوع ، وصلت الطلبيه وقال راشد للي موصلها يدخل لين داخل لانه مافيه يطلع له برا ، طلع الي موصل الطلبيه مواطن وشافته ام خليفه وتحلف عليه يقرب صوبهم ويتقهوى ويتعشا حاول الريال يطلع منها بأي طريقه لكن ام خليفه كانت مصره انه ينزل ويقعد عندهم ، قعد الريال و تعرفت عليه ام خليفه ( الريال اسمه حامد ساكن دبي لكن فاتح له كوفي في براكا لان اهله كل ويك اند ايون براكا وهو بعد كل ويك اند يكون متواجد 24 ساعه في كوفيه ) ،،، طلعت روضه وشافت كيس الاسكريم على الطاوله ؛