( بعد مرور يومين )
قامت ام خليفه الساعه 9 الصبح وقررت انها ترجع ابوظبي العصر ، الكل استغرب مو هالقرار المفاجأ ، قامت وتريقت بعد الريوق دقت على محمد وقالت له اييها الميلس ، وصل محمد الميلس قبلها وقعد يتقهوى لين ماتي ، كانوا هزاع وفيصل وسالم موجودين في الميلس قبل محمد ؛
هزاع : حمود غريبه ليش يدتيه بترد
محمد : والله مادري ، علمي علمك
سالم : انا سمعت و الله اعلم
فيصل : شو سمعت
سالم : بتخليني اكمل رمستيه؟
فيصل : كمل
( محمد وهو يتقهوى لف على هزاع وقال : هذيل دايماً جي ،،، هزاع : ماعندهم سالفه )
سالم : يدتيه تفكر تسافر
هزاع : شو اليديد ؟ هذا وقت سفرها
سالم : لا بس هالمره مش سويسرا بتروح المانيا او الريف النمساوي
محمد : وليش ؟
سالم : لان اختها واحفادها بيروحون بيتها الي في سويسرا
فيصل : ونحن اي بيت بيضمنا ؟
محمد : هب مسوؤلين عنك ، دورلك فيلا ولا شقه عدالهم لازم معاهم فالبيت
هزاع : لا والله يازين يوم تقوم الصبح وتلاقي كل شي جاهز قدامك
سالم : هي غير يوم تكون في بيتك
***
دخلت ام خليفه وقاموا الشباب يسلمون عليها ، فتحت لهم موضوع السفر وتناقشوا في كل شي يخص السفر ؛
محمد : متى تبينا انطير؟
ام خليفه : انا وحفيداتيه احجز لنا اخر الاسبوع الياي
سالم : مابتشلينا؟
ام خليفه : يايه بقول اسأل منو من الشباب فاضي يروح معانا
سالم : انا ورشود وميود ويسور وزيود فاضيين
هزاع : انا بلحقكم عقب
محمد : انا وحمدان فاضيين بعد
فيصل : لا حمدان يدي يباه ، خله بيطير مع يدي
ام خليفه : وانت فيصل هب طاير معانا ؟
فيصل : بشوف الاحوال
ام خليفه : مطور ما اباكم تخبرونه يوم بكمل اسبوعين برتاح ذيج الساعه قولوله
محمد : حرام عليج يدتيه
ام خليفه : حرام عليه الي يسويه فيه ولا في واحد حلجه مايعوره كثر مايسولف ماشاءالله عليه
محمد : يدتيه عادي افاتحج في موضوع ثاني؟
ام خليفه : هيه قول شو عندك؟
