الساعه 5:00 العصر دق محمد على يدته :
ام خليفة : انت برا
محمد : هيه وسلامه وفاطمه موجودين
ام خليفة : زين يايه بقفل الغرفه بس
*سكر *
سلامه : محمد ممكن تمر اللولو
محمد : ان شاء الله
***
ركبت ام خليفه واستأذنها محمد انه بيمر اللولو حق سلامه بعدها امسكوا خط ليوا ،،، مزرعة ليوا ( مزرعه مساحتها كبيره تضم اسطبل خيول مع ميلس الاسطبل ، قصر كبير يضمهم كلهم فيه غرف انشطه مختلفه ، مسبح كبير على يمين القصر وقدامه الميلس الخارجي )
اول مادخلوا مزيرعه ( ليوا ) :
ام خليفة : ضنك راشد وصل
محمد : والله مادري ، ليش ؟
ام خليفة : محمله معاه جت
محمد : شووو؟؟؟ ( ضرب بريك )
ام خليفة : بسم الله شفيك ؟
محمد : وانا اباه اييب لي من الصيني مطبات ولا طاع ، ودفعني ألف وخمسميه ع التكسي وانتي خلاج تحملين جت غنم !!!
فاطمه : بلا استعباط يدته اكيد مابيقول لها مابا
***
الساعه 11:00 بعد العشا كل شوي صار حد ينسحب لغرفته ، طلب خليفه من ولده فيصل اييب الورقه من السياره بيلعبون كيباشه ، والي يابوا سجن والي شغلوا السوني يلعبون فيفا ،،، طلعت روضه غرفتها وخذت خمس ملفات من الطاوله ونزلت تحت عند المسبح تراجع الملفات ، طلع حمدان من الميلس كان عنده اتصال وانصدم يوم شاف روضه واول ماسكر المتصل راحلها :
حمدان : روضه الموظفه الي تخلص شغلها اول بأول هب مخلصه شغلها
روضه : وايد ضغطوني فالشغل الفتره الاخيره ولا قدرت اخلص
حمدان : لاحظت عمي عبيد وعمي سيف معتمدين عليج ، تبين اساعدج ؟
روضه : ماقول لا ، اغلب الملفات عهود تحتاج محامي يراجعها
حمدان : شي يخص الماليه اعين واعاون شي ثاني احس مالي فيه
سحبت ملف وحطته قدامه : هذا ملف له خص فالماليه
حمدان : وشو يخص التسويق فيه ؟ ، سوأل غبي صح
روضه : اعتقد
***
( في الميلس )
فطيم ( تصارخ ) : والله غش ، شوها ال K كله عنديه
بوهزاع : هذا حظج
فطيم : يشبهك
بوهزاع (رافع الحاجب ) : شو ؟