( في يوم السفره )
الساعه 1:30 خذ راشد نص الجوازات وخذ زايد النص الثاني ووقفوا كل واحد في كاونتر بروحه عشان يخلصون بسرعه ، اما ياسر كان يوزع الشنط عند راشد وزايد وسالم قاعد يسولف على يدته عشان ماتتوتر لان دايماً تتوتر وتخاف الطياره تطير عنهم ؛
ام خليفه : ميود و احمدوه وينهم ؟
سالم : والله مادري بس من شوي ارمسهم يقولون في الطريق يايين
ام خليفه : تأخروا بتطير الطياره عنهم
سالم : لا ماعليج في وقت
ام خليفه : اشو، كم باقي على الطياره
فطيم : يدوه باقي ساعه ونص
( خذ سالم دقيقه يتأمل فطيم )
فطيم : ايييههه شفيك ؟
سالم : ماشي
***
خلص راشد وطلع البوردنق حق الجوازات الي عنده وراح يقد عن يدته ، اما زايد ارتفع ضغطه من الي تشتغل فالكاونتر لانها خربطت في الوجهه وبدا يرفع صوته عليها ، توترت ام خليفه وطلبت من راشد يقوم يشوف الموضوع ، قام راشد وقال لزايد يهدا ويقول حق سالم يدخل يدته والبنات الي خلصهن وهو بيشوف الموضوع ، رد زايد ليدته ؛
زايد : سالم خذ الجوازات هذيل ودخل يدتيه والبنات
سالم : زين ، سلامه و فاطمه و فطيم و روضه و شمسه و ساره و مريم ، تعالن
زايد : الباقي اصبرن راشد بيخلص جوازاتنا
***
بعد مادخلوا كلهم لسوق الحره اتجمعوا عند ستاربكس وبعد ما تأكدت ام حليفه ان الكل دخل وموجود سمحت للبنات يتمشن على كيفهن اما الشباب تموا قاعدين عند يدتهم :
ام خليفه : إلا مايد وأحمد وين ؟
راشد : والله ماندري
( بعد مرور عشر دقايق ياهم مايد وهو لابس لبس الطيار )
ام خليفه : ليكون انت الي بتطيربنا
مايد : لا ، انا عنديه رحله ثانيه
ام خليفه : اشوى انا امبونيه ماداني سواقتك فالسياره هالمره تسوق طياره
مايد : انتوا احمدوه بيسوقبكم
ام خليفه : لا تقول
مايد : لا اسوي سوالف احمدوه معايه
ام خليفه : في كبتن ثالث ولا ؟
مايد : لا انا واحمد نسد
ام خليفه : ربي يحفظكم
مايد : يعني الحين صدق ما تثقين فينا؟
ام خليفه : لا والله ما اثق فيكم
مايد : افا افا يا ام خليفه افا
