( في قسم البنات ) انقسماً لمجموعات عاشه وسلامه وشيخه وشمسه نزلن المطبخ يخبصن اما نوره وساره يلسن ع صوب يدورن فلم و فاطمه نزلت تنادي شيخه عشان يروحن الستور اييبن دواشق ولحف السهره ،،، في قسم الشباب ،،، جب أحمد كولا في فراش فيصل وتوهق أحمد ماعرف يبدل الفراش دق على فطيم عشان اتي وتبدل الفراش ؛
فطيم : ياهل ماتعرف تشرب
أحمد : بالغلط انجب
فطيم : مره ماعندك غيريه ، جان دقيت على روضه
أحمد : ليش هي ترد عليه ؟
فطيم : اففف يايه يايه
دخلت فطيم القسم بالبجاما وانصدمت من الوصاخه الي شافتها لكن هم انصدموا اكثر يوم شافوها بالبجاما :
مطر : وانا اقول ليش القسم نور
فطيم : انتوا كيف يالسين في هالقذاره ؟؟ توكم اليوم يايين وجي خيستوا القسم
هزاع : شباب شو تتوقعين منهم
فطيم ( بصوت عالي ) : كلكم برا ،، برا ،، كلكم برا شو ماتسمعون !!!
مطر : ان شاء الله
هزاع : لا تصرخين ترانا نسمع هب صمخان
***
نزلت فطيم تحت وخذت سلة المنظفات وحطتها قدام باب القسم وراحت قسم البنات :
فطيم : منو ماعندها شغله ؟
نوره : انا ، آمري
فطيم : تعالي نظفي معاي قسم الشباب
نوره : ارور
فطيم : تعالي شوفي وصاختهم
***
دخلت نوره القسم ؛
نوره : امبيه يع كيف يقدرن ينامون هني
فطيم : مادري هذا ونحن بسم الله تونا واصلين
نوره : والريحه كيف مستحملينها
فطيم : الي داخل من برا بينكر الريحه
نوره : بزوع ، من وين نبدا انظف
فطيم : بنبدا غرفه غرفه وبنجمع الوسخ فالصاله وعقب بنظف الصاله
نوره : خلنا بندا بـ هالغرفه
شغلت نوره التلفزيون وحطت موسيقى هاديه وبدوا ينظفون ، في غرفه من الغرف كان بابها مسكر راحت نوره بتفتحها بتشوف اذا حد فيها لكن قبل ماتفتح الباب سمعت مايد يرمس محمد :
مايد : غريبه ، عيال عمك شو ياهم موسيقى هاديه
محمد : والله مادري
مايد : عليهم حركات
محمد : يمكن استخفوا
مايد : لا بيسوون ريلاكس
