للأسف طلع أحمد من بيت روضه قبل لا يوصل هزاع و راحت روضه على طول لقسمها و تلفت باب القسم ودخلت داخل الغرفه ، دخل هزاع البيت ينادي ( روضه ، روضه ) لكن محد يرد عليه ، راح فوق لقسمها و قعد يدق الباب و روضه واقفه وزا الباب في شي داخلها يقول لا تفتحين الباب ؛
هزاع : روضه ادري انج ورا الباب دخلي فتحي الباب خلينا نتكلم شوي
( صمت )
هزاع : روضه ادري انج ورا الباب فتحه
***
قعد هزاع على الارض و سند ظهره على الباب ، و روضه نفس الشي قاعده على الارض و سانده ظهرها على الباب ؛
هزاع :ما تولهتي ؟ انا متوله
***
كانت روضه تبا تفتح الباب لكن في شي داخلها يمنعها ، فقد الامل هزاع و طلع فتحت الباب روضه وراحت تركض للدريشه عشان تشوفه ، كانت توايق عليه من الدريشه و عيونها غرقانه دموع و تقول في نفسها ( سامحني يا هزاع سامحني ماقدر اطلع لك جي ) ، طلعت سيارة هزاع و دخل راشد ، نزلت له الصاله ؛
راشد : مسا الخير
روضه : أحمد و هزاع شو يابهم ؟
راشد : ما ادري
روضه : ما تدري
راشد : هيه ما ادري ، و بس يا روضه لين متى ؟
روضه ( تصيح ) : ما اقدر ما اقدر اشوفهم
( حزن راشد عليها و حضنها )
روضه ( تصارخ ) : ما اقدر اصدقهم كلهم نفس الشي
راشد : صدقيني هب كلهم نفس الشي خوانج مايبون شي بس يبون يشوفونج بخير مايبون شي ثاني حرام عليج ، هب كل الناس تتشمت
روضه : انت ما تحس بالي احس فيه ، حط نفسك مكاني تخيل انك مريض و رحت تتعالج عند احسن دكاترت العالم و مافي فايده من علاجاتهم و ايونك ناس يقولون لك يمدحون الدكتور الفلاني يمدحون الدكتوره الفلانيه يحسسونك انك ما تبذل اي مجهود عبالهم انت مستانس بمرضك و ولا تسعى للعلاج و هم مايدرون بالعلاج الي خذته و بالادويه و الابر الي تتعبك ، تصبر و تصبر على كلامهم لين متى ؟ صارلج سنتين معرسه معقوله للحين مايبتي بذره روحي تعالجي انزين انتي شو يخصج ؟ شو عرفج بظروفي ؟ طوفت مره مرتين ثلاث عشر بس خلاص لاعت جبدي لين متى ؟ اتعالج و اتعب و اترقد بسبب العلاجات الي اخذها يدرون ؟ حد وقف معاي ؟ حد طبطب علي ؟ لا ، ليش اعطيهم قيمه و اخليهم في حياتي ؟ و حياتي بدونهم بتم مثل ماهي يعني وجودهم و العدم واحد هم بس زيادة عدد .
