الساعه ثلاث الفجر كان راشد توه ضاوي من عند ربعه ، دخل الغرفه و نسى ان روضه نايمه شغل الليت و على طول دخل الحمام يتسبح ، بعد ما طلع من الحمام شاف الليت مبند ؛
راشد : اسف ما كنت ادري انج بتباتين هني
روضه : ليش وين كنت تتحراني ببات ؟
راشد : اتحراج بتباتين عند البنات
روضه : و ليش ابات عندهن ؟ شكلك ما تباني ابات هني
راشد : انتي تدورين مشاكل ؟
روضه : لا حشى
راشد : ايعان شوفي فطيم شو بتسوي
روضه : فطيم اكيد راقده الحين
راشد : لا هب راقده شاربه كوفي الساعه 12 اكيد الحين ايعانه
روضه : زين بشوفها
راشد : دقي لها
روضه : هب داقه بكتب لها في السناب
***
كتبت روضه لـ فطيم ( واعيه ) ، بعد دقيقتين ردت فطيم على روضه ؛
فطيم : هيه واعيه ؟
روضه : ايعانه صح ؟
فطيم : شدراج
روضه : راشد راد من عند ربعه ايعان و قال اكيد فطيم ايعانه و بتسوي لها شي تاكله خليها تحسب حسابيه
فطيم : و هو شدراه اني ايعانه ؟
روضه : شافج الساعه 12 و انتي تسوين لج كوفي و اكيد الكوفي بيسهرج و بييوعج
فطيم : افكر اسوي حلومي ساندويش ، ياكل حلوم ؟
روضه : هيه ياكل
فطيم : زين عيل خليه ينزل المطبخ
***
الساعه 10 الصبح قام زايد بهدوء بدل دخل الحمام و بدل و طلع ، اما شمسه تمت نايمه لين الساعه 3 الظهر ، بعد الغدا ( وقت المقيال ) دخل زايد الميلس و شاف البنات كلهن يالسات مع يدته إلا شمسه هب بينهن ؛
زايد : شمسه وين ؟
ام خليفه : ما تغدت معانا
شيخه : من الصبح ما شفناها
زايد : معقوله راقده للحين ؟