العصر كانت ام خليفة يالسه قدام البيت تشوف شو الدريول الخدامات شو يحمون حق ليوا ياها ولدها عبيد مع حرمته عوشه :
عبيد : ها اميه بتروحين ؟
ام خليفة : لا فديتك بس الدريول والخدامات بيروحون اليوم
عوشه : عمتيه اذا عندج شي زايد حمليه عندنا ولا عند الشباب
ام خليفه : لمن الدنيا الخدامات ، منو من الشباب بيروح اليوم ؟
عبيد : اسمع حمد موصي يسور و رويشد يروحون اليوم ويجيكون على كل شي
ام خليفة : زين عيل عندي منظره بحملها عندهم
عبيد وان جان عندج شي ترا الطبابيخ كل واحد بسيارته
ام خليفه : وليش كل واحد بسيارته ، خلهم كلهم يروحون رباعه
عوشه : صح عبيد خسارة بترول كل واحد بسيارته
عبيد : الشور عند سيف هو المسؤول
***
بعد صلاة الجمعة ، ايلسوا الشباب في صالة بيت يدتهم يتريونها تخلص صلاه عشان يروحون معاها الميلس الي يتيمعون فيه كل جمعه ، كان محمد فاتح بث ويسولف على متابعينه :
هزاع : متابعينك فالبث يتريون يدتيه ولا انت مايبونك
محمد : معلوم ، فانزاتها يبون يديدها
أحمد : الحصري بس عندي
محمد : للتوضيح اليديد دايماً في حسابي وحساب أحمد ومصورتكم روضه خليفه وحساب الشاعره الرسمي فيه التسجيل بس
أحمد : محسسني ان البث فيه 5000 واحد
هزاع : البث فيه 26 ألف
أحمد: اوف يعني لو اطلع بصير مشهور وبيصير عندي فانزات
محمد : في واحد يقولك لو ويهك يساعد بتصير ،، بس صدق ويهه يساعد
أحمد : يدتيه اتطلع ويها ؟
محمد : ما تطيع تقول بس صور لهم كندورتيه
هزاع : زين مافينا بعد شهره
( ضحك أحمد )
هزاع : ليش تضحك ؟
أحمد : اونه مافينا شهره ، ترا اختك مشهوره
هزاع : منو رويض؟
أحمد : لا يدتك
هزاع : شهرتها بريال
أحمد : لا والله معروفه ومتابعينها ماشاءالله عليهم
هزاع : لايكون تنزل صورها ؟ وانا مادريبها
أحمد : لا تخسي ، تنزل بس ماتطلع ويها
هزاع : هيه زين
***
