( بعد مرور اسبوع )
صار الكل متواجد غير مطر و بو هزاع ، الصبح بعد الريوق كانوا قاعدين ويخططون لوين يتجهون ، قرر بو خليفه انهم ياخذون الي يحتاجونه للغدا ويروحون يطبخون غداهم عدال الشلالات القريبه من منطقتهم و الكل اتفق معاه غير الشباب لانهم كانوا تعبانين ومافيهم يسوقون لمسافات طويله ، استلمت فطيم مهمة الإقناع واقنعتهم لان الطريق كان 40 دقيقه بس ، اقتنعوا وراحوا يشغلون سياراتهم والبنات كانت مهمتهن انهن يحملن الاغراض في السياره ،،، طرش راشد المواقع للشباب الي يسوقون او بالأصح حطه في قروب العايله ،،،، فتح مطر القروب و المكان يبعد عنه يومين استغرب ؛
مطر ( فويس ) : رشود مطرش لوكيشن بالغلط ولا شو ؟
( أحمد حط فيسات تضحك )
بعدها محد كتب شي بس كان مطر يكتب ومحد يرد عليه
***
اطبخوا غداهم وتغدوا و قيلوا لين الساعه 5 وعقب احتجوا الشباب يبون يردون يرتاحون لانهم معزومين على العشا في جنيف ، من سمعت فطيم انهم معزومين يا في بالها حامد وحنت عليهم إلا تروح معاهم جنيف بحجة انهم من اسبوع ماطلعوا برا منطقتهم ، وعشان يرتاح شوي بو خليفه من صدعة البنات قال ؛
بو خليفه : هزاع ركب فطيم وروضه وشيخه وساره معاك وودهن جنيف
ام خليفه : هيه هذيل يركبون السياره قبلكم
أحمد : كنا مخططين كلنا انروح في سياره وحده
سيف ( بو راشد ) : وشو مستوي عليكم ماتروحون بسيارتين
أحمد : والله مشكلتنا البترول طال عمرك
سيف ( بو راشد ) : موضوع البترول هين
( طلع بوكه وعطى هزاع وأحمد 100 يورو )
هزاع : ماتقصر بس 100 وايد
( طلع بوخليفه مبلغ من بوكه وحطهن في جيب محمد )
بو خليفه ( بصوت واطي ) : هب تخلي ربعك يدفعون انت ادفع الحساب
محمد : ان شاء الله لكن اعرفه راعي العزيمه هب طايع
بو خليفه : قوله اسمح ليه يديه حالف هو يدفع الحساب
محمد : ان شاءالله
بو خليفه : سلم لي عليهم وقلهم باجر الغدا هني عندنا
محمد : ان شاءالله
بو خليفه : طبخ اماراتي اصلي
محمد : ماتقصر
***
ركب هزاع الڤان وركب معاه محمد وراشد ومايد وسالم و البنات ، اما باقي الشباب اركبوا في المرسيدس ، وزايد قال لسالم يستسمح منهم لانه ريله تعوره ولا هو اصلا مافيه شي بس متعايز يبا يقعد عند يدته ،،، دق بو ساره على نوره بنته :
