* في بيت بوهزاع *
دخلت روضه على خطيبها سلمان ويلست عشان تاخذ وتعطي معاه تشوف تفكيره واسلوبه في الكلام وغيره ، ولان روضه شخصيه اجتماعيه ابداً ماحست بحرج قدامه وكانت على طبيعتها ، بدوا ياخذون ويعطون في الكلام فجأة قال سلمان؛
سلمان : اوقفي اشوف طولج
روضه : تشوف طولي ؟
سلمان : وافصخي الكعب
روضه : نعم
سلمان : يلا ، بعدها ابا اشوفج بدون مكياج
روضه : خير اخوي ؟
سلمان : شو الي خير ؟
روضه : انا هب بضاعه ياي تفصلها ع مزاجك
سلمان : انتي بتصيرين حلالي وملكي لازم اشوفج على طبيعتج
روضه : اها على طبيعتي ؟
سلمان : وبعدين انتي كيف جي تردين عليه
روضه : وكيف تباني ارد عليك
سلمان : الحرمه السنعه ماتقول غير من عيوني وحاضر ، ماتقعد قعده على ريلها
روضه : الحمدالله ان لين الحين ماصار شي ، وانا هب على ذمتك
سلمان : صدق انج قليلة ادب واهلج ماربوج ، الصراحه م اتشرف انج تكونين ام عيالي
**
خنقتها العبره وطلعت برا البيت وامها تناديها لكن ماكانت ترد عليها شافها راشد تركض صوب المسبح ووقفت تاخذ نفس راح ووقف قدامها :
راشد وهو يمسح دموعها : روضه شفيج ؟
روضه : ماباه ماباه متخلف ماباه
راشد : زين خلاص مابتاخذينه ، ولا تزعلين
( حضنته وهو رد حضنها )
راشد : خلاص روضه والله ماتهونين عليه
روضه : خلني في حضنك
راشد : زين بس لا تصيحين
روضه : كيف يقول اني قليلة ادب واهلي هب مربيني ، وهو قليل الادب متخلف
***
طلع سلمان وامه من بيت بوهزاع وهو طالع قعد يتلفت يدور روضه شافها حاضنه راشد ؛
سلمان ( بصوت عالي ): وزعلت يوم قلت لها اهلها ماربوها ولا في وحده تحضن واحد وهي مخطوبه ، الحمدالله والشكر بس
راشد : الحمدالله اهلها مربينها احسن تربيه
سلمان : اي تربيه تحضن واحد هب حلال عليها
روضه : تدل الطريق ولا ماتدله ؟
ام هزاع : اقصروا الشر وتوكلوا على الله