الساعه 2:00 الظهر ركب احمد الڤان وراح المطار بيرده وبعد بنص ساعه لحقه راشد بمرسيدس زايد عشان ياخذه، استصعب احمد سواقة الڤان في جنيف ، و الساعه 5:30 العصر سوا راشد جيك اوت و طلعوا لبيتهم الي في ايفيان ،،، في سيارة راشد ،،،، راشد يسوق وعداله كرسيين فيهم أحمد وسالم وورا ست كراسي فيهم ، شيخه وساره وروضه ونوره ومريم وفطيم ؛
راشد : الكوفي الي رحتن له امس لو تروحون له مره ثانيه ياويلكن
فطيم : اي كوفي ؟
راشد : الي راحن له شيخوه و الي معاها
شيخه : ليش شو فيه ؟
راشد : ها كوفي حق الخياس و المغازل
شيخه : انزين ونحن شو يخصنا في جي سمعته عندهم
راشد : لا عندهم سمعته زينه بس عندنا نحن العرب سمعته خايسه
ساره : هذا سالم الي مدح لنا الكوفي
شيخه : وهو الي ودانا له
سالم : ماكنت اعرف
راشد : اونه ماكنت اعرف ، ها معروف عند الخليجين وبالاخص نحن انه مال مغازل
روضه : وانت كيف عرفت انه الكوفي الي راحوا له
راشد : لان واحد شافهن ماشاءلله عليه يلقط العرق على طول دق
روضه : مستحيل
راشد : الي كوفي صغير ويدرانه خشب وفيه مناضر كبيره صح؟
ساره : هيه
راشد : وبس اضن اربع طاولات داخل
شيخه : هيه وانت شو عرفك فيه ؟ ليكون تغازل فيه
ساره : بس اكله لذيذ
راشد : يوم تبين شي طرشي واحد من الشباب إلا مطر
شيخه : يعني الشباب عادي يسيرون له ونحن ممنوع
راشد : هب كل الشباب مال مغازل
ساره : اها يعني كل البنات مال مغازل
راشد : انا ماقلت جي
ساره : عيل شو تقصد ؟
راشد : نحن نخاف عليكم من الفئه الخايسه من الشباب
ساره : مشكور ما يحتاي تخاف علينا
احمد : ترا هب بس الشباب يغازلون حتى في بنات يعقون عمارهم على الشباب
شيخه : هيه نفس فطيم
فطيم : خير انا شو دخلني في موضوعكم ؟ من الصبح ع التلفون عشان م اتدخل
روضه : شيخوه امسكي لسانج احسن لج
شيخه : حوه كنت امزح
فطيم : لا هالمواضيع مافيها مزح
***
