Defending Mr. Billionaire (Sandoval Trilogy #1) | COMPLETED

Chapter 59

Atty. Christine Villeza

"S-Sinusuhulan niya ako para ilihis kayo sa imbestigasyon sa kaso ni Sandoval."

'Yan ang sinagot sa akin ni Jeffrey kanina nang tanungin ko siya kung bakit sila magkasama. Tinanong ko rin siya kung pumayag ba siya. Hindi naman daw. Napangisi ako nang may ma-realize sa sinabi ni Jeffrey.

Walang dahilan na suhulan siya ni Noel para ilihis ang kaso ni Sandoval. Unless, Noel has a significant involvement in this criminal case that I'm handling. Bahagya akong natawa sa aking isipan.

Hindi ko na muna pinansin si Jeffrey at humarap kay Noel para komprontahin. "Anong ginagawa mo dito? 'Di ba wanted ka?"

Noel seems to be unbothered by what I asked. Hindi nga ito natakot o kahit magbago lang ang hitsura dahil sa itinanong ko. Tiningnan niya lang ako ng diretso habang ang ngisi niya'y hindi nawawala. "What do you think can money buy, Christine?"

Nagpintig na naman ang tainga ko dahil sa sinabi nito. Nandito na naman tayo sa issue ng paggamit ng pera para takasan ang batas. My eyebrows instinctively raised as my lips twitched. "We already brought your case to the prosecution, right? Paano ka nakatakas sa kasong 'yon?"

"Maraming nagagawa ang pera, Christine. Na-dismiss agad ang criminal case na ipinataw niyo sa akin." Ngumisi ito sa akin at tumingin kay Jeffrey. "Hindi ba sayo nasabi ng kaibigan mo?" Bahagya itong natawa ng nakakaloko.

Napailing ako't ngumisi rin. "Hindi pa eh." Tumawa ako nang nakakaloko para inisin siya. "Ikaw ba? Nasabi mo na ba sa akin kung anong koneksyon mo sa kaso ni Sandoval?"

Kung kanina'y hindi siya nagulat sa tanong ko, ngayon ay tila naapektuhan na siya sa biglaan kong tanong. My mind flashed back Jeffrey's line earlier. Bakit naman susuhulan ni Noel si Jeffrey na ilihis ang kaso ni Sandoval?

Pwedeng trip niya lang. O pwede ring may koneksyon siya sa kaso ni Sandoval. Sana pala ay pinatapos ko na ang sinabi kanina ni Rina. She mentioned something like "Noel" but she couldn't finish it since I halted her. Tinitigan ko lang si Noel na ngayon ay nakangisi na naman. "Why would I tell you what is my connection to your case?"

"So meron nga?"

He nodded, not hesitating to answer me directly. Well, nahuli ko na siya eh. Wala na siyang rason para itanggi pa ito. "Yes, I have. But I will not tell you what it is. Sino ka ba? Abogado ba kita?"

Tinaasan ko ito ng kilay at inirapan. "If you'll not tell me, then you can now get lost from our faces. Baka masuka pa ako sa kapangitan ng ugali mo."

Tumawa lang ito nang malakas at tumalikod na pagkatapos kumaway sa amin. I thought he'll walk away fast, but he stopped again and muttered something rubbish. "We'll meet again, Christine. That very next time, I'm sure that you're already wearing your formal dress to defend Sandoval."

Napapikit na lang ako dahil sa inis. Bago pa siya makalayo muli ay ako naman ang nagsalita. "I'm also sure that you will be burnt in our cross-examination, Noel. Be prepared. I-lock mo na ng mabuti ang baul ng mga tinatago mo."

Tumawa itong muli at nilingon na kaming dalawa ni Jeffrey. "Before you could even do that unlocking thing, I may have prepared something better. I have eyes everywhere, dear. Pwedeng nasa harap mo, sa likod. . ."

Ngumisi itong muli at dinugtungan ang sinasabi niya. ". . . o baka nasa tabi mo lang." Tiningnan nito si Jeffrey at kumaway. "Mauna na ako sa inyo. Kumain muna kayo ng ice cream d'yan para naman sumaya kayo."

Nanatili akong nakatayo at tila nanigas na ang aking mga paa sa huli nitong sinabi. Nasa tabi ko lang? Si Jeffrey? Pero kaibigan namin si Jeffrey at hinding-hindi niya kami lilinlangin. 'Yan ang pinangako niya sa amin kaya nagtagal siya sa aming samahan. But I must have some room for reservations and give Noel the benefit of the doubt.