Defending Mr. Billionaire (Sandoval Trilogy #1) | COMPLETED

Chapter 55

Atty. Christine Villeza

"Oops, kumain na ako. H'wag niyo na ako alukin."

Pagpasok ko pa lang ng bahay ay sinalubong agad ako nina Jelsey at Rina na nag-aalala sa akin. Napangiti ako nang sila pa ang kumuha ng bag ko at alalayan ako sa sofa. "Salamat—!"

"Anong flavor nito, Christine?" Akala ko naman ay nag-aalala talaga sila sa akin pero gusto lang pala talaga nila ang dala-dala kong ice cream. Jelsey asked and grinned at me. "Thank you!"

"Hoy, Jelsey, favorite ko 'yang flavor na 'yan!" Inagaw ni Rina ang hawak na ice cream gallon ni Jelsey kaya nag-away na sila. Hinayaan ko na lang muna silang dalawa na mag-agawan at tumayo na muna para pumunta ng kwarto.

Kinuha ko ang bag ko sa lamesa at dumeretso na sa second floor para magpalit ng damit. Hinayaan ko na silang dalawa roon kasi para sa kanilang dalawa naman talaga 'yon. Bahala na sila kung magkakasundo pa sila d'yan, maliit na bagay lang naman 'yan.

Pagkapasok ko ng kwarto ko ay naabutan ko si Mama na inaayos ang higaan ko. I smiled at her and hugged her. Hinalikan ako nito sa noo pagkatapos ay itinabi ko na ang bag ko sa aking lamesa. "Kumusta ang lakad mo, Anak?"

Dahan-dahan akong tumango pero napahawak sa ulo ko nang bahagya akong nahilo. Nawala rin naman agad at mabuti na lang at hindi niya napansin. Ayoko nang mag-alala pa si Mama sa akin nang sobra. "Ayos lang po, Mama. Medyo pagod lang emotionally."

Ngumiti ito't hinaplos ang aking mukha. "Alam kong matapang ka, Christine. Mana ka kaya sa'kin!" Kiniliti ako nito sa tagiliran kaya bahagya akong natawa. "But remember, if you need help, I will always be here for you. Kaming dalawa ni Jayron. Isama na rin natin 'yang mga kaibigan mo sa baba."

Dahil sa sobrang tuwa ay nayakap ko si Mama ng mahigpit. Niyakap din niya ako pabalik at hinaplos-haplos ang likod ko. I tried not to cry and I think I succeed. Kumalas na ako sa pagkakayakap at nginitian si Mama. "Kayo rin, Ma. Kapag kailangan niyo po ng tulong, kahit ano, kahit gaano kalaki, sabihin niyo lang po agad sa akin."

She smiled back and held my hand. "Oo, Anak. Mahal na mahal kita, tandaan mo 'yan, ha?"

Ngumiti ako't tumango-tango. "Mahal na mahal din po kita, Ma." Niyakap ko muli ito ng isang beses.

Tinapik niya ang likod ko kaya kumalas na rin ako. Bahagya itong natawa kasabay ng pagtatago na naluha siya. Hindi ko na ito inalala pa dahil alam kong hindi niya sasabihin ang dahilan. Ayaw naming mag-alala pa ang isa't isa. "Magpalit ka na ng damit, Anak. Maghahanda na ako ng pagkain niyo at nakaluto na kami ni Yaya Sising."

Umalis na ito ng kwarto pagkatapos magpaalam.

Ilang minuto lang ako nagbihis dahil hinanda na pala ni Mama ang pambahay na susuotin ko. Ngayon din pala ang araw na mag-i-stay siya rito. Dahil once a week na lang ang uwi ni Mama dahil nagbabantay siya kay Jayron ay wala namang problema sa akin. Bukod sa maaalagaan silang dalawa ng mga doktor doon ay nakapagpapahinga rin siya doon.

Pero gaya nga ng palagi niyang sinasabi sa akin, gusto niya rin akong maalagaan kahit isang araw man lang. Nagpapasalamat ako dahil hindi niya ako kinalilimutan kahit na nahihirapan na siya.

Lumabas na ako ng kwarto at nakitang tahimik na sina Rina at Jelsey sa ibaba. Pagkababa ko'y nakaupo na pala sila sa lamesa at hinihintay akong kumain. I smiled at them then raised my eyebrows. "Tapos na ba kayong magbangayan?"

Jelsey rolled her eyes while Rina grinned. "Inagaw ni Rina 'yung ice cream ko. Sa susunod talaga, banned na 'yan dito sa bahay ko." Jelsey acquiesced and glanced angrily at Rina.

Parehas kaming natawa ni Rina sa sinabi nito. "Bahay mo talaga ah?" natatawa kong banggit sabay kuha ng binigay na plato sa akin ni Mama. Kami na ang nagsandok ng kanin at ulam dahil tinulungan na ni Mama si Yaya Sising na mag-dilig sa labas.