Defending Mr. Billionaire (Sandoval Trilogy #1) | COMPLETED

Chapter 50

P/S: Warning! Strong language. Also, some scenes might trigger your anxiety or depression so be careful when reading it. I'm not encouraging self-harm nor manipulation. Thank you for reading and keep safe!

Atty. Christine Villeza

"D-Don't do that, Charisse—!"

"HAHAHA!" isang malakas na pagtawa muli nito ang umalingawngaw sa buong kwarto habang iwinawagayway niya ang kutsilyo. "H'wag ka ngang feeling d'yan, Christine. Kung gusto ko magpakamatay ay matagal ko nang ginawa. At hinding hindi ko gagawin 'yon para lang sayo, gaga!"

Parang napawi lahat ng pag-aalala ko sa kaniya at agad na napalitan ng sarkastikong ngiti ang aking mukha. Kaunti na lang ay iisipin ko nang nasisiraan na siya ng bait. Ibinaba na ulit niya ang kutsilyo sa kaniyang tabi pagkatapos maghiwa ng mansanas. Nanatili lang akong nakatayo habang nakatitig sa kaniya.

"Gusto kong sabihin mo kung ano ang nangyari noong gabi ng krimen." sambit ko nang may diin at paninindigan habang nakatitig sa kaniya. Tinitigan lang niya ako at ngumisi.

Kaunti na lang ay sasabunutan ko na talaga ang babaeng 'to dahil sa pagkairita ko sa ngisi niya. Putang inang 'to!

Pero inisip ko, I need to pull this off for Sandoval's freedom. Kung hindi ko malalaman ang katotohanan ay baka unti-unti na kaming bulagin ng batas na sinasabi ng prosecution. I need to know the whole truth and nothing but the truth because that is what I deserve as Sandoval's attorney.

I need to defend him just to let him free.

"I guess I have the rights to not say anything to prevent myself from self-incrimination." she said and bit some of her apple. "Besides, I don't have a lawyer yet to speak with you, fucking Attorney Christine."

Umiling-iling ako dahil sa pagkadismaya. Mukhang pahirapan pa ako sa bruhang ito. "So, hindi ka makikipag-tulungan sa amin?"

"Baka hindi pa ngayon. I'm not ready yet, Christine. H'wag mo nga akong pilitin." Kumagat muli ito nang mansanas niya at nagawa pa akong taasan ng kilay.

I noted the words that she said, 'Baka hindi pa ngayon'. It does mean that we can still get her to side with us. I just need a little more convincing. Kung hindi pa ngayon, kailan pa?

"Alam mo bang nasa kulungan ngayon si Anthony? Nawalan siya ng kalayaan dahil sa mga ibinibintang sa kaniya ng mga magulang mo!" Bahagya nang tumaas ang boses ko na ikinatigil naman niya sa pagnguya.

Tinitigan ako nito sa mata nang seryoso. "Kasalanan ko? Ako ba ang nagsampa ng kaso?"

Napakamot ako sa aking tainga dahil sa inis. "Hindi mo pa kasalanan ngayon, Charisse. Pero siguro, kung patatagalin mo pa ang pakikipag-cooperate sa amin ay baka kailangan mo nang sisihin ang sarili mo. Alam kong may alam ka! Nandoon ka mismo sa pinangyarihan ng krimen!"

Mukhang wala ang mga nagbabantay sa labas dahil wala namang pumapasok dito para awatin ako sa pagsigaw. Mas mabuti nang gano'n dahil hindi ko pa tapos sabihin kay Charisse lahat ng hinanakit ko. Tinitigan lang ako nitong si Charisse kaya gano'n na rin ang ginawa ko.

"Tama ka naman d'yan." she replied, calmly. Hindi na katulad kanina na may halong pagsusungit at pagsasawalang-bahala ang mga sagot niya. "May alam nga ako sa nangyaring krimen. Actually, alam ko lahat."

"Kung alam mo lahat, may kasalanan ba si Anthony para pagdusahan niya lahat ng paghihirap ngayon?"

Dahil sa aking sinabi ay napatitig siya sa kalayuan, kasabay ng pagtulo ng kaniyang mga luha. Ako naman ay hindi nagpakita ng kahinaan at hinayaan na lang siyang umiyak. "Ano, Charisse? Hindi ka sasagot? Kargo de konsensya mo kung hindi mo siya tutulungang makalabas!"