១ខែក្រោយមកពេលព្រឹកព្រលឹមស្រាងៗ ព្រះអាទិត្យរះពីទិសខាង
កើតបានជះពន្លឺមកកាន់ភពផែនដី ដែលបានបង្ហាញ
ឲ្យឃើញក្មេងប្រុសតូចច្រឡឹងម្នាក់ កំពុងតែចំកោង
ខ្នង ឱនជីកដី សម្រាប់ដាំផ្កានៅខាងត្បូងបរិវេណភូមិ
គ្រឹះ ទាំងដែលកាលពីមុនលួចមកដាំផ្កានៅខាងមុខ
ភូមិគ្រឹះម្ដងដែរ ហើយក៏ត្រូវ ជុងហ្គុក ស្ដីឲ្យឡើងក្ដៅ
ស្លឹកត្រចៀកងំ ប៉ុណ្ណឹងហើយនៅតែមិនរាងទៀត ឆ្លៀតមកលួចដាំផ្កាពេលគេគេងលក់។«ត្រង់នេះដាំផ្កាកុលាបចម្រុះពណ៌ ហើយខាងនោះ
ដាំផ្កា-»ក្រោយពីកាប់ដីរួច រាងល្អិត ក៏ឈរក្រព័ទ្ធដៃ
ឱបជាប់ទ្រូង រកនឹកថាគួរដាំផ្កាអ្វីល្អ ខណៈនោះមិន
ទាន់នឹងនិយាយចប់ផង ក៏ត្រូវស្រីបម្រើរត់យ៉ាងត្រ
ហេបត្រហប់ដើម្បីប្រាប់ដំណឹងអាក្រក់។«អ្នកប្រុសតូចៗ...គឺ អ្នកប្រុស..អ្នកប្រុស...»ព្រោះតែ
រត់ហត់ពេក ហាមាត់បរិយាយលែងរួច ក៏ដាក់គូទ
អង្គុយចុះលើស្មៅ លើកដៃស្បិតដើមទ្រូង ព្រោះខ្លាច
ថានឹងត្រូវស្ទះខ្យល់ស្លាប់។«ពូ កើតអីមែនទេ?បងឆាប់និយាយមក!»កំពុងតែហត់ស្រាប់ផង បែរមកត្រូវអ្នកប្រុសតូចចាប់ជម្រិតសួរ
ទាំងតក់ក្រហល់ថែមទៀត គ្មានជម្រើសនាងក៏ក្រោកក្រោកឈរ ដាក់ដៃទ្រានក្បាលជង្គង់ខ្លួនឯង ទើប
លើកម្រាមដៃចង្អុលៗទៅកាន់បុរសមាឌមាំម្នាក់ ដែល
កំពុងតែដើរកាន់រំពាត់សម្ដៅមកកាន់ពួកគេ ទាំងខាំ
ធ្មេញគ្រឺតក្រតៗហាក់ដូចចង់សីុសាច់អ្នកដែលឈរ
ធ្វើភ្នែកឡេមឡាម រកផ្លូវរត់ តែរកមិនឃើញ ព្រោះរត់
ទៅណាក៏រត់មិនរួច ទើបសុខចិត្តឈរញ័រជើង ស្រាក់
ដៃចូលគ្នាទាំងបែកញើសជោកថ្ងាស។«ហេតុអ្វីក៏បងមិនរត់មកប្រាប់ខ្ញុំឲ្យលឿនជាងនេះ?»
ជើងតូចស្រឡូនរុលសន្សឹមៗទៅកេះស្មងជើងស្រី
បម្រើ ទាំងខាំមាត់រាងក្ដៅក្រហាយតិចតួចដែរ ព្រោះ
តែនាងមកផ្ដល់ដំណឹងយឺតពេលពេក។មុននឹងលួច
មកដាំផ្កាបានផ្ដាំប្រាប់នាងរួចជាស្រេចហើយ ថាពេល
ដែល ជុងហ្គុក ភ្ញាក់ពីគេង នាងត្រូវតែប្រញាប់រត់មក
ប្រាប់ខ្លួន ដើម្បីកុំឲ្យគេមកទាន់ថាលួចដាំផ្កាទៀត តែ
ចុងក្រោយនៅតែគេចមិនផុតពីក្រញាំុដៃគ្រុឌដដែល។
YOU ARE READING
កែវភ្នែក ចន ជុងហ្គុក(ចប់)
Romanceអូនគឺជាជីវិត ជាដង្ហើម ជាកែវភ្នែក ជាពិភពលោករបស់បង កូនឆ្កែ គីម ថេយ៉ុង!