«ពូ...»សំឡេងខ្សាវៗបន្លឺឡើងតិចៗ ស្រាលៗ ស្ដាប់មិនចង់បាន ដាស់អារម្មណ៍ម្ចាស់ឈ្មោះ ឲ្យប្រញាប់ទម្លាក់ឯកសារចុះ ចាប់ទាញអាវទម្លាក់ចុះក្រោមយ៉ាងលឿន បន្ទាប់ពីភ្លេចខ្លួនឲ្យ ថេយ៉ុង ឃើញសាក់ តែសំណាងល្អហើយដែលឃើញតែមួយជំហៀងដែលសាក់រូបឆ្កែចចក។«ខ្នងពូមានសាក់ច្រើនណាស់»នាយតូចក្រោកឈរគ្រវីក្បាលទាំងមិនចង់ជឿលើភ្នែកខ្លួនឯងថាខ្នងបុរស
ដែលផ្អែមល្ហែម មានសន្ដានចិត្តល្អគួរឲ្យគោរព មាន
ស្នាមសាក់ពាសពេញផ្ទៃខ្នងទាំងអស់ គ្រាន់តែមើលមិនសូវច្បាស់ថាមានសាក់រូបស្អីខ្លះប៉ុណ្ណោះ អ្វីដែលឃើញច្បាស់គឺរូបឆ្កែចចក។«អូនខ្លាច?»ជុងហ្គុក ព្យាយាមរំងាប់អារម្មណ៍ឲ្យបាន
នឹងនរ ធ្វើហាក់ដូចជាមិនបានភ្ញាក់ផ្អើលពេលបណ្ដូលចិត្តឃើញស្នាមសាក់ ទាំងដែលការពិត
នៅភ័យបុកពោះមិនទាន់បាត់ទេ ខ្លាចថាបានឃើញរូបខ្លួនឯងកាលពីអាយុ១៣ឆ្នាំ និងរូបថ្មីដែលទើបតែសាក់បន្ទាប់ពី ថេយ៉ុង ពេញ១៨ឆ្នាំ។«អត់ទេ»មាត់ប្រកែកថាមិនបានខ្លាច ប៉ុន្តែកាយវិការ
បញ្ជាក់យ៉ាងច្បាស់ណាស់ថាខ្លាច! បើមិនខ្លាចមិនមែនដើរថយក្រោយមិនឲ្យគេចូលជិតនោះទេ។«មកជិតបង»គេប្រាប់ឲ្យ ថេយ៉ុង មកជិតស្របជើង
ឈានដើរទៅរកសាឡុងហើយអង្គុយនៅលើនោះ ទើបបក់ដៃហៅកូនឆ្កែឲ្យមកក្បែរសារជាថ្មី ប៉ុន្តែទទួល
បានការបដិសេធយ៉ាងលឿន។«អត់ទេ!»ថេយ៉ុង នៅតែគ្រវីក្បាលមិនព្រមទៅជិតនាយ ព្រោះតែខួរក្បាលនៅតែដិតដាមឃើញស្នាម
សាក់ពាសពេញខ្នងក្រាស់រហូត ហើយក៏អត់នឹងគិត
មិនបានថាគេជាអ្នកលេង។«ថេយ៍»
«អូ...អូន...»
«មិនមកក៏ហីទៅ បងមិនបង្ខំទេ ព្រោះបងដឹងថាអូន
កំពុងតែខ្លាចរបស់នៅលើខ្នងបង»
«អត់ទេ!អូនមិនបានខ្លាច អូនគ្រាន់តែ...»ជំហាន
តូចៗបោះយឺតៗទៅរកអ្នកដែលអង្គុយលើសាឡុងរង់ចាំ ទាំងមុខស្រពាប់ស្រពោន ខណៈខួរក្បាលចេះតែគិត ចេះតែខ្លាចថាគេជាម៉ាហ្វៀហើយនឹងយកខ្លួនទៅធ្វើទារុណកម្ម ឫបាញ់សម្លាប់ចោលប្រសិនបើធ្វើអ្វីមួយខុសដូចនៅក្នុងប្រលោមលោក ស្របការពិត
ខុសពីអ្វីដែលខ្លួនគិតទាំងស្រុង គេទាំងស្រឡាញ់
ទាំងថ្នាក់ថ្នមយកចិត្ត ហ៊ានចំណាយលុយរាប់លាន
មកលើខ្លួន ម៉េចនឹងអាចមានថ្ងៃនោះទៅ។
YOU ARE READING
កែវភ្នែក ចន ជុងហ្គុក(ចប់)
Romanceអូនគឺជាជីវិត ជាដង្ហើម ជាកែវភ្នែក ជាពិភពលោករបស់បង កូនឆ្កែ គីម ថេយ៉ុង!