«ចាំពាក្យខ្លួនឯងទុកផង អូនទៅរៀនហើយ»
កែវភ្នែកភ្លឺស្រទន់បង្កប់ដោយភាពសោកសៅ បាញ់
តម្រង់ទៅរកកែវភ្នែកបុរសជាទីស្រឡាញ់យ៉ាងយូរ
ទាល់តែអស់ចិត្ត ទើបបោះមួយប្រយោគឲ្យគេភាំង
នៅនឹងកន្លែង មុននឹងរត់ទៅបើកទ្វារបន្ទប់រត់ចុះទៅក្រោមបាត់ មិនឲ្យគេសួរពីប្រយោគប្លែកៗមុននេះទាន់។«បងនឹងចាំទុក»ជុងហ្គុក សម្លឹងមើលទ្វារដែលក្មេង
របស់គេទើបចេញ ស្របបបូរមាត់បង្ហើបសំឡេងតិចៗ
ទាំងមានមន្ទិលសង្ស័យជាច្រើនរត់ចូលក្នុងខួរក្បាល។ក្រោយអង្គុយភ្លឹកចោលមួយស្របក់ គេក៏ងើបដើរចូល
ក្នុងបន្ទប់ទឹក ដើម្បីងូតទឹកជម្រះកាយឲ្យបានស្រស់
ថ្លានិងមានអារម្មណ៍ល្អឡើងវិញ ព្រោះគេត្រូវការផ្ចង់
អារម្មណ៍សម្រាប់ធ្វើម្ហូបឲ្យកូនឆ្កែតូចរបស់គេញាុំ។ពេលចេញពីក្នុងបន្ទប់ទឹកវិញ ជំហានវែងៗនាំរាងកាយហាប់ណែនឆ្ពោះទៅរកកញ្ចក់ដែលបញ្ឈរទុកជិតនោះ រួចក៏សម្លឹងមើលមុខសង្ហារខាបព្រលឹងនិងរាងកាយសិចសីុរបស់ខ្លួនឯងនៅក្នុងកញ្ចក់ ហើយក៏ចាប់ផ្ដើមគិតពីប្រយោគដែល ថេយ៉ុង បាននិយាយដាក់ខ្លួនឲ្យចាំពាក្យខ្លួនឯងទុកនោះ ទាំង
អារម្មណ៍មិនស្ងប់។*សាលារៀនក្រុងសេអ៊ូល
ចំណាយពេលលើសពី៣០នាទី ឃីង ក៏ជូន ថេយ៉ុង មកដល់សាលារៀនបានលឿនមុនពេលវេលាដែល
សាលាគេកំណត់។«អរគុណបងឃីង»កាយតូចល្អិត បើកទ្វារចុះពីលើ
ឡាន រួចដើរទៅជិតកន្លែងបញ្ជាចង្កូតដែលមាន ឃីង
អង្គុយនៅក្នុងនោះ ហើយក៏ឱនគំនាបសម្រាប់ការអរគុណដែលគេជូនខ្លួនមករៀន ទោះបីវាជាតួនាទីក៏
ដោយ ក៏ ថេយ៉ុង មិនខ្វល់ដែរ សំខាន់អ្នកណាធ្វើល្អ
ដាក់ខ្លួន ខ្លួននឹងគោរពតបស្នងអំពើល្អទៅកាន់គេវិញ។«បាទ...ខ្ញុំទៅក្រុមហ៊ុនហើយ អ្នកប្រុសតូចថែខ្លួនផង
ណា៎៎ ចេញពីធ្វើការ ខ្ញុំនឹងប្រញាប់មកទទួល»ក្រោយ
ផ្ដែផ្ដាំចប់សព្វគ្រប់ បុរសសង្ហារ ឃីង ខានែល ក៏បើក
ឡានតម្រង់ទៅក្រុមហ៊ុនចនគ្រុបបាត់ ចំណែក ថេយ៉ុង ក៏ដើរចូលទៅក្នុងថ្នាក់ដូចគ្នា។
YOU ARE READING
កែវភ្នែក ចន ជុងហ្គុក(ចប់)
Romanceអូនគឺជាជីវិត ជាដង្ហើម ជាកែវភ្នែក ជាពិភពលោករបស់បង កូនឆ្កែ គីម ថេយ៉ុង!