Falling for the Billionairess (Published by Bookware)

Day 29 - Later that Night

MALAPIT nang mag-8, nasa bahay pa rin kami ni Kuya Lex. Sabay kasi kaming nag-shower eh alam mo namang... Matagal akong maghilod. Saka wala kaming hair dryer ni Kuya. Ang lupit ko naman kung iuuwi ko si Meredith na lukot na nga 'yung damit eh basa pa ang buhok. Sabi nga nila, better late than obvious. Ano raw?

Ako na ang nagtuyo ng buhok niya gamit ang extra tuwalya saka ako na rin ang nag-brush n'un para sa kanya. Na-realize kong masaya palang gawin 'yun. Nakaka-relax. Sa 'ming dalawa. Hikab na nang hikab si Mere kaya hinalikan ko siya sa batok at sinabing magbihis na kami.

Nasa bahay kami ng mga Balajadia nang mga 8:30. Kasabay naming nag-dinner ang parents niya. Medyo na-late din pala ng uwi si Tito Eman kaya hindi naman nakakahiya na natagalan kami ni Mere sa banyo, este sa pageempake ng mga damit ko.

After dinner, sinamahan ko siya sa kuwarto niya. First time kong umakyat d'un at excited ako. Basta 'wag ko lang tingnan 'yung kama... 'yung queen-size bed niyang may makapal at mukhang napakalambot na kutson, comforter at malalaking mga unan na iba't ibang shades ng violet ang mga punda. Parang ang sarap humiga doon, ang sarap niyang ihiga d'un—

"Dito ka lang o sasama ka sa loob?" tanong ni Mere nang mapansing nakatingin ako sa kama niya. Nakatayo na siya sa pintuan papasok sa isa pang kuwarto at pinagmamasdan ako.

"Sama 'ko." Na-di-distract ako sa kama eh. Baka makalimutan ko 'yung panata kong maging maginoo at ulitin sa kama niya ngayon ang ginawa namin kanina sa kama ko kahit pa nasa labas lang ang tatay niya.

Malinis ang kuwarto niya, maayos, at susmaryosep, ang bango. 'Sing bango ni Meredith. Halos kasing laki rin n'un 'yung kuwarto ko sa bahay ng tatay ko. Ang naiba lang, may malaki siyang mga bookshelves na puno ng mga libro at wala siyang TV.

Sumunod ako sa kanya. Kasing laki naman ng kuwartong pinasukan namin ang kuwarto ko sa condo ni Kuya Lex. Naroon ang mga closets niya, mga shoeracks na mukhang display case ng department store, at isang mesang mukhang workstation ng makeup artist.

Pinaupo niya ako d'un sa silya sa dresser at pinanood ko siyang kumuha ng mga damit. Ang dami niyang office attire! Pero malamang naman di ba? Kasi vice president siya ng kompanya. Dinala niya 'yung mga damit na nakalagay na sa mga garment bags at inilagay iyon sa arm chair na malapit sa kinauupuan ko.

"Nasaan 'yung dadalhin mong bag?" tanong ko.

Itinuro niya ang isang cabinet. "Nand'un, 'yung trolley bag."

Tumayo ako at nagpunta sa cabinet na itinuro niya. Parang display case ng Louis Vuitton 'yung cabinet. Kumpleto 'yung koleksyon eh. Lahat ng sizes meron.  

Kinuha ko 'yung isang trolley bag na, sa isip ko, ay perfect para sa apat na araw na mga damit at dinala iyon sa kung saan ibinababa ni Meredith ang mga pantulog na dadalhin.

Naupo ako sa sahig, binuksan ang trolley bag at kinuha ang mga damit. "Okay lang ba'ng ako ang mag-empake para sa 'yo o may special technique ka sa pag-aayos ng gamit?"

Sumilip siya sa 'kin mula sa closet at ngumiti. "Hindi, okay lang na ikaw na."

"May plantsa naman d'un sa hotel ano?" tanong ko habang unang inilalagay ang mga pantulog.

"Yup. Saka paplantsahin ko naman talaga 'yang mga 'yan sa hotel bago ko isuot. Kahit gaano ka kaingat mag-empake, may malulukot pa rin talaga d'yan eh."

Napatingin ako sa kanya. "Marunong kang mag-plantsa?"

"Oo naman. Wala naman akong kasamang plantsadora kapag may conference or meeting ako sa ibang bansa eh. Ikaw ba hindi?"

Natawa ako, nahihiya. I kind of feel useless now. "Ngayon nga lang ako natutong maghugas ng pinggan eh."

Lumapit siya sa 'kin na may dalang isang bag na may floral design. Naupo siya sa tabi ko at inabot ko 'yung bag. Hindi pa niya nasasara 'yung zipper n'un kaya nakita ko kaagad 'yung laman n'ung mga sikreto ni Victoria. Alam mo naman ako, mabilis ang mata sa panty...