"Tuwing umuulan, ikaw ang naalala ko. Animo'y kasama na kita tuwing umuulan." *** Si Scarlet Blythe Serrano ay isang dakilang NBSB (No Boyfriend Since Birth) pa rin kahit beinte y sais na ang kanyang edad. Nang dahil sa kanyang status ay sentro siya ng panlalait at panghuhusga ng mga taong nasa paligid niya. Sa gitna ng magulong mundo na kinagagalawan niya ay pumasok sa kanyang isipan na magsulat ng isang nobela na naaayon sa status ng kanyang buhay. Nais niyang magsulat dahil sa tatlong rason: maipahiwatig ang kanyang lungkot at hapdi na naramdaman, maisalaysay ang kanyang masalimuot na karanasan, at maranasan ang pag-ibig na pinapangarap niya kahit sa kathang-isip man lang. Subalit paano kung sa isang umaga ay biglang lumabas galing sa netbook si Matthew, ang main male character na isinulat ni Blythe sa kanyang nobela na nilikha? At habang lumipas ang panahon sa kanilang pagsasama ay biglang umusbong ang pag-iibigan nilang dalawa! Kaso hindi pa rin mababago ang katotohanan na nagmula si Matthew sa kathang-isip o imahinasyon na binuo lamang ni Blythe. Posible kayang magiging totoo sa realidad ang kanilang pag-iibigan at makamit ang inaasam na happy ending? O hanggang sa kathang-isip lang talaga ang kwento nilang dalawa? Ang kwento na umiikot tungkol sa isang aspiring writer at fictional character na parehong nahulog sa bangin ng pag-ibig. *** Genre: New Adult, Fantasy Language: Filipino Status: COMPLETED *** Date Started: May 28, 2020 Date Finished: July 16, 2022 © All Rights Reserved 2022