لست هوارية

الفصل الرابع

بلعت ريقها تردف بحزن:لا منا فهمتهم انك ميت.

اهتز جسده بشدة من تاثيره لما سمع، ايعقل تلك السيدة من اعتبرها والدته، سهرت ليالي في تربيته،اهي نفس السيدة من خططت لتلك الجريمة البشعة ايعقل ان تحرم ام من ولدها لاغراضها،ايعقل ان تحرم ابن من والدته فقط لمصلحتها ما تلك الانانية،استقام بغضب ليبتعد عنها.
امسكت ببنصره تحاول ان توقف نوبة غضبه،توقف مكانه بدون ان يستدير إليها،لتكمل هي ببقعة حارة تهاوت علي وجنتها:
كوثر:سامحني ياعمار؛غصب عني والله.

حاول كتم غضبه إكراما لها ولمرضها الشديد فها هي بين الحياة والموت كما اخبراه الطبيب عن حالتها المستعصية،ليستدير هو بابتسامة مصطنعة ليقول:
_طيب ياامي ريحي نفسك بس شوية عشان صحتك
اقترب منها ليعاود جلوسه مرة اخري اعلي مقعد بالقرب من فراشها،تركت هي بنصره لتحتضن كفيه باكمله،احس ببرودة كفها ليحاوطهن بكلتا كفيه يدفئهن بحنانه ليردف بابتسامة:
_هتخفي وتبقي كويسة

كوثر بابتسامة:باذن الله، لما اقوم من مرضي هنروح سوا الصعيد وتشوف اخوك
عمار بابتسامة:باذن الله،وابويا وامي

كوثر بحزن:للاسف اختي وجوزها ماتوا من سنة.
ادمعت عينيه رغم عنه ليردف بحزن:
_ربنا يرحمهم
وما هي دقائق حتي استقامت تلك الخطوط،معلنا عن رحيلها الي الابد،هرول علي كفها يقبلهما بحزن للمرة الاخيرة.

في مستشفي اخري:
ابتسم برفق ذلك الوسيم ذو البشرة الخمرية يحتضن كف والدته يداعب اناملها كما اعتاد منذ صغره لتردف هي بابتسامة:
_مدثر يابني روح بقي نام وغير هدومك اديلك يومين قاعد جنبي.
داعب أصابعها بلطف ليردف بحب:
لا يا حبيبتي خليني معاكي هنا ولا زهقتي مني؟
ابتسمت برفق ثم ظهرت ابتسامة خبث بين إحدى زوايا شفتيها لتقول بدعابة:
_ مش عادتك يعني تقعد يومين من غير متاخد دوش
ابتسم برفق يرمقها بنظرة حب ليقول:اعمل ايه بس فداكي ياجميل مقدرش اسيبك،مهو لو لينا حد عمة او خالة كنت سبتها معاكي،ورحت اغير.
اختفت ابتسامتها العذبة لتظهر مكانها حزن عميق،التقطت عدة أنفاس متتالية،لتعزم الأمر لتقول:
_مدثر يابني عاوزة اقولك حاجة خبيتها عنك، جية وقتها دلوقتي،بس عوزاك تسامحني.
قوس حاجبيه بدهشة فوالدته صديقة له قبل اي شي ولا يوجد شي تخبيه عليه،اضاق عينيه الزيتونية قليلا ثم قال بجدية:قولي ياحبيبتي سامعك،خير انشالله
بلعت ريقها لتقول بتنهيدة قوية:
من ٢٩سنة كنت بشتغل في المحل اللي كان مأجره ابويا الله يرحمه،كان تاجر جملة  علي قده لما مات ولقيت نفسي وحيدة نزلت بداله الشغل عشان اصرف على نفسي،وفي المحل اتعرفت علي شاب صعيدي كان بيجي كل فين وفين من بلده هنا ويشتري حاجاته ويمشي،ساعتها اعجب بيا وطلبني للزواج ولانه مجوز طلب محدش يعرف من اهله،وانه هيجيلي في السر من وراهم كل مينزل مصر،وانا وافقت لان كنت لوحدي والمحل كان كل يوم بيخسر معرفتش اديره وسط الديون اللي كانت عليه وابوك جالي نجدة ساعتها،المهم اتجوزنا، وقلتله مش هسيب بيتي نجوز فيه،وافق عدت سنة علي جوازنا وزي ما تقول حس بندم انه اتجوز علي مراته وساعتها قرر يسيبني ويعتذرلي ان مفيش نصيب،انا ساعتها حزنت انه هيسيبنى لوحدي،ساعتها كنت عرفت إني حامل فيك،قلت اني اقوله يمكن ميسبنيش،بس في لحظة تفكير صورلي الشيطان مشهد انه لو عرف هيطلني بردوا ولما اولدك هياخدك مني بالعافية واكيد هياخدك الصعيد وانا مش هعرف اجيبك،خوفت وانا يتيمة لوحدي لا اب ولا اخ ولا خال،مين هيجبلي حقي..
كلما تتكلم تتسع عينيه اكتر ليلامس كفيها يحسها على الحديث:كملي ياامي وبعدين..
اضطريت اوافق على الطلاق ومقولتلوش،وفعلا طلقني وكان شهم اداني كل حقوقي وكتبلي بيت بإسمي،بيت الزوجية يعني والحمدلله كان ربنا عالم بالحال بعد مسافر وسابني بيت ابويا اللي كنت عايشة فيه اتحجز عليه من صاحب البيت كان ليه ديون علي ابويا،وحمدت ربي ان معايا بيت تاني وفلوس اقدر اعيش بيها،بعت البيت الي اشترهولي ابوك وسكنت هنا في السيدة زينب في مكان بعيد لا ابوك ولا جار يعرفني فيه،وعشت وحدي استناك لغاية ما جيت ليا..
اجابها علي الفور بصوت متهدج:يعني ابويا عايش مش ميت زي ما قولتيلي..
حزنت قليلا لتقول:لا ممتش بس معرفش عنه حاجة حاليا
مدثر:طيب سكنه،عنوانه
_معرفش الا انه صعيدي
لوى شفتيه بحزن ليقول:بس كده صعيدي مهي نص البلد صعايده هوصله ازاي.
حانت منها دمعة لتقول:انت عاوز ترحله،وتسيبني.
لامس بكفيه شعرها الأشيب ليقول برفق:لا ياحبيبتي مستحيل اسيبك،احنا هنروح سوا،ولازم ادور علي ابويا واكيد ليا اخوات،انتي فهمتيه غلط ساعتها جايز لو قولتيله انك حامل مكنش طلقك مفيش اب بيسيب ابنه.
نالت دمعة من عينيها لتردف بأسف:حقك عليا يبني سامحني مكنش قصدي احرمك منه
ابتسم برفق ليقول:معلش ياحبيبتي كل حاجة وليها حل المهم تقومي بالسلامة،انا هحاول كده ادور على اسمه،اكيد في شهادة ميلادي مكتوب اسم سكن الأب
_ايوه طبعا انا سجلتك ببطاقته وعقد الزواج اللي كان معايا واللي يسألني كنت بقول انه مسافر،لان لو قلت ميت هيطلبوا مني شهادة الوفاة
مدثر:خلاص يامي محلولة انا هعرف القيه بمشيئة الله.

    "الله اكبر..الله اكبر"
مدثر بابتسامة: الله اكبر.اشهد ان لا إله إلا الله،أهو أذان العصر فال حلو واحنا بنكلم انه خير اكيد،هروح اصلي يا امي في مسجد المستشفى وارجعلك.
أومأت بالموافقة،ليخرج هو يوصد الباب خلفه توجه إلى المرحاض ثم ذهب إلى المسجد ودعا الله ان يوفقه في بحثه وان يعثرعلى أبيه واخواته أن وجد اخوة،ابتسم برفق فور تذكره انه ليس وحيدا كما كان يظن وأنه يملك اخوة وسيلتقي بهم قريبا،أنهى صلاته ثم اتجه الى الباب ليفتحه وابتسامة تعلو ثغره ليقول:انا جيت ياست الكل
وقع عينيه علي بؤبؤيها،عينيها دامعة محمرة،أخذ يوزع انظاره بينها وعيناه علي رسام القلب،ينظر إلى تلك الخطوط المتعرجة وانفاسها تخفت،وتتضاءل نبضاتها،تلك الخطوط تأخذ قليلا قليلا في الهبوط،وبعض الأطباء حولها يسعفونها بذلك الجهاز ليهمس هو من بين شفتيه.
_يارب.يارب متحرمنيش منها يارب عشان خاطري مش هقدر اعيش من غيرها يارب يارب،
صفارة انهت الموضوع لتكتب النهاية المؤلمة لقد فارقت الحياة..
_لا لا اامي
هزه بسرعة عله يفيق من كابوسه هذا انفاسه بدأت في الهبوط،وجبينه تهطر منه العروق وحرارته مرتفعة للغاية
تقدم قاسم بسرعة الى غرفة مدثر ليردف مشيرا إلى زيد الواقف أمام فراش مدثر.
قاسم:ماذا به؟
زيد باحترام:
_لا اعلم أيها الأمير،سمعته يصرخ.
قاسم:ايقظه الراجل سيختنق.
هزه زيد برفق ليستيقظ مدثر،محاولا التقاط انفاسة
قاسم:انت بخير يامدثر
هز رأسه ليردف بصوت صلب:كويس
نظر للجميع ليردف بجدية
_اجهزوا،غدا ستنفذ خطتنا في الهجوم،
انهي حديثه ثم وجه انظاره الي مدثر ليكمل بجدية:
_القنبلة جاهزة يامدثر؟
_جاهزة.
_استعدوا،اول ما تدوي القنبلة في أنحاء القرية،ستأتي قوات الشرطة في ظرف١٠دقائق،تلك  لحظتنا في الهروب،ستكون العربة جاهزة تأخذنا الي مكانا آمن اختاره لنا الزعيم..
مدثر:مين الزعيم
قاسم:ليس بشأنك،كن جاهزين غدا سنقضي علي هؤلاء الشيوخ من يدعون انهم كبار سيناء ويساعدون الأمن،فلنربي لهم الخوف…
            ــــــــــــــــــــــــــــــــــــــــــــــ
#ايه_عبده_النجار
#لست_هوارية
     ــــــــــــــــــــــــ
يا جماعة الكلام بتاع الحلقة السابقة،انا كنت بهزر اكيد مش هوقف النشر،واللي عاوز يعلق براحته اللي مش عاوز برحته بردوا،انا عارفة ان الكل مضايق بسبب ظروف موضوع كرونا ده.

في تعليق الحلقة السابقة واحدة بتقول انها اتلخبطت من كتر الابطال،انا قلت ان بدخل كل حلقة الابطال واحدة واحدة،بس لو عاوزين اكتبلكم اسامي الابطال كلها عشان متتلخبطوش تمام.

https://my.w.tt/mGRdgYVDZ6