DATING A GOD 101 (COMPLETE!) #Wattys2021

CHAPTER LVI: CARDINAL GATES AND WINE

NO ONE CHEATS HADES.

A number of myths could prove that. And yet there we were on Ezrah's room again planning to deceive our own father.

Sa malaking mesa sa gitna ng kwarto niya nakalatag ang maraming lumang mapa ng Underworld. Lahat, pare-pareho ang sinasabi, meron lamang apat na tiyak na lagusan sa kaharian.

Sa gawing Timog, one of the Four Cardinal Gates, ang Diamond Gate.

Pangunahing lagusan ng nga kaluluwa papasok sa Underworld. Lahat ng mga patay na nakakapasok dito sa gabay ni Charon, ay hindi na maaari pang makalabas. Mahigpit itong binabantayan ni Cerberus, ang tatlong ulong-asong guwardiya ni Hades na kadalasan ay nag-aanyong butler ng pamilya.

Sa Hilaga, ang Black Gate. Binabantayan ng Diyos na sina Morpheus at Hypnos. Ang sabi ni Ezrah, mas mauuna pang maligaw ang sinumang magbalak dumaan dito bago pa nila mahanap ang lagusan. Nababalutan kasi ito ng makapal na gubat na puno nang ilusyon at mga ligaw na kaluluwa.

Sa Silangan naman, ang Gate of Eve. Sa kasalukuyan, ito at ang Diamond Gate ang mga aktibong daanan papasok sa kaharian. Si Persephone ang madalas na gumagamit nito sa tuwing pumapaibabaw siya sa panahon ng tagsibol.