I'm secretly married to a Casanova [Completed]

Chapter 68

Isabelle's POV

Christmas break na namin ngayong araw. Yung mga classmates ko ay nagbalak na mag-swimming sa isang resort para doon gawin ang christmas party. Hindi na ako sumama dahil hindi ko naman masyado trip yung gusto nila. Kahit yung mga kaibigan ko ay hindi na sumama.

"Bes. Ano mas maganda. Itong peach o mint green dress?"

Magkasama kami ni Flare ngayon. Namimili kasi kami ng mga pwedeng ipangregalo. Tapos na akong mamili. Si Flare nalang itong naghahanap ng pwedeng ipangregalo niya sa mommy niya.

"Yung peach." Sagot ko. Agad niya naman binalik yung isang dress sa pinagkuhanan niya. Tapos pumunta na siyang counter para bayaran yung dress.

Lumabas na kami sa boutique at naglakad-lakad nalang muna sa mall. May 30 minutes pa naman kami dahil mamaya pang 6pm ako susunduin ni Brayden dito sa mall.

"Bes. Nakikinig ka ba ha? Sayang laway ko oh. Lalim na naman ng iniisip mo."

"Masisiraan na ata ako ng bait bes..." Sabi ko at ginulo yung buhok ko gamit ang isang kamay ko na walang hawak "Hirap na hirap na ako sa kakaisip kung paano ko pagbabatiin si Mama Laila tsaka Mommy Hailey. Magpapasko nalang hindi pa sila nagkaka-ayos." 

"Grabe mga mommy niyo kung mag-away. Sobrang tagal. Akalain mo yun. Natiis nila 'yon kahit na naging mag-bestfriend sila noon." Naiiling na sabi niya. Agree naman ako sa sinabi niya. Kung kami siguro ni Flare 'yon malamang hindi namin matitiis na hindi magbati kaagad.

"Bakit hindi niyo itry na kidnapin sila at ikulong sa isang bahay ng sila."

"Pag ginawa namin 'yon. Baka pag binalikan namin sila ay isa sa kanila wala ng hininga. Worst parehas pa."

"Kunsabagay...Ah gawin niyo pa din 'yon. Pero nandoon kayo ni Brayden. Kumbaga sa isang kwarto o bahay nandoon kayong apat. At least mamomonitor niyo sila. At mapipigilan niyo pang magpatayan sila."

Well, pwede nga namin gawin ni Brayden yung suggestion ni Flare. Mukhang yun nalang din talaga ang paraan para mapag-ayos namin si Mommy Hailey at Mama Laila.