Unicode
သူထွက်သွားခဲ့အပြီး လအနည်းအငယ်သာကြာသေးသည့် ရက်များကို သူမ မှတ်မိသေးသည်။
သူ့ကို သူမ လေဆိပ်အထိလိုက်ပို့ပေးခဲ့သေးသည်။ အမြဲလိုလို ခေါင်းအေးအေးနှင့် တည်ငြိမ် ဆင်ခြင်တတ်သည့် လူဟာ လေဆိပ်မှာ သူမအား တင်းကြပ်စွာ သူ့ရင်ခွင်ထဲ ထွေးပွေ့ထားခဲ့၏။ ဝမ်းနည်းနေခဲ့သော မျက်လုံးများမှာ မသိလျှင် ထွက်သွားမည့်လူက 'သူမ'လိုလို။
သို့သော် အမှန်ပါပင်။ သူနဲ့ တစ်ပတ်ကျော်လောက် ဗီဒီယိုကော်လ်မပြောခဲ့ရပါ။
ထိုအချိန်က သူမ၏ စာတမ်းမှာလည်း ပြီးခါနီးနေခဲ့ပြီ။ သို့ဖြစ်၍ နောက်ဆုံးတွင်တော့ သူမအတွက် မျှော်လင့်ချက်ရောင်ခြည်သန်းလာခဲ့ပြီဟု ခံစားရသည်။ ထို့ကြောင့် လက်တွေ့ခန်းထဲတွင် နေ့နေ့ညညနေခဲ့ပြီး စားချိန်၊ အိက်ချိန်တောင်ပင်မရှိခဲ့။ လက်စသတ်ပြီးသွားသည့်အခါတွင်မူ ကျန်းမန့် ကျောင်းအဝတွင် တက္ကဆီခေါ်စီးပြီးထွက်ခဲ့သည်။ လမ်းတစ်လျှောက် သူမ စိတ်ထဲတွင် ပျော်နေခဲ့၏။ ပြိုင်ပွဲအတွက် သူမ အချိန်အတော်ကြာအောင် ခက်ခက်ခဲခဲလေ့လာနေခဲ့ပါသော အရာကို တွေးမိသည့်အခါ မတတ်နိုင်ပါဘဲ သူမ ကောင်လေးနှင့် အချိန်တစ်ခုထိ အဆက်သွယ်ပြတ်သွားခဲ့သည်။
သူသာ သူမဘေးရှိနေခဲ့ရင် သူ့ကို ပစ်ထားလို့မရအောင် နေ့တိုင်း ဖက်လိုက် နမ်းလိုက်ဖြင့် သူမအနားပဲ ကပ်နေလိမ့်မည်။
အဆောင်များအဝင်ဝနားတွင် ရှိသော ဘာဘီကျုဆိုင်သို့ ကျန်းမန့် သွားလိုက်သည်။
လက်တွေ့ခန်းမှ အစ်ကိုနှင့် အစ်မများဟာ အထူးတလည် မတွေးတတ်ကြ။ ညစာအတူစားကြတိုင်း အဆောင်ပတ်ဝန်းကျင်နားတွင်သာ နေရာရွေးကြပြီး ဤစားသောက်ဆိုင်မှာ သူတို့ မကြာခဏ လာတတ်သည့် နေရာပင်ဖြစ်သည်။
သူမက စောရောက်မသွားခဲ့။ ဆိုင်ထဲတွင် အဖွဲ့ထဲမှ ကျောင်းသားအများစု ရောက်နှင့်နေပြီဖြစ်ပြီး ၅ယောက်၊ ၆ယောက်လောက်က Q တက္ကသိုလ်၏ သက်ရှိသိပ္ပံလက်တွေ့အတန်းမှ ဖြစ်သည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
