Unicode
" ကျန်းမန့် ထတော့ ဒီနေ့က ကျောင်းပထမဆုံးနေ့မလား။ နောက်မကျစေနဲ့လေ "
ကျန်းမန့် သူမ အမေကျန်းဟွေ့ဖန်း ရဲ့ အသံကို ကြားလိုက်ရတာကြောင့် မျက်လုံးတွေကို ဖွင့်လိုက်သည်။
သူမ ပထမဆုံးနိုးထလာခဲ့တုန်းက ဦးနှောက်ကို အလုပ်ပေးကာ အတန်ကြာအောင်စူးစမ်းအပြီး အချိန်က မိနစ်ပိုင်းလောက်ကို လင့်သွားခဲ့သည်။ နောက်ဆုံးမှာတော့ သူမ လွန်ခဲ့တဲ့ ၁၉ နှစ်ကို ပြန်ရောက်လာသည်ကို အတည်ပြုနိုင်လိုက်သည်။
သူမ အိပ်ရာပေါ်ကထပြီး လိုက်ကာတွေကို အားထုတ်ကာ မ တင်လိုက်သည်။ အပြင်ဘက်တွင် နွေရာသီ၏ နွေးထွေးလှသည့် မနက်ခင်းနေရောင်ခြည်က ဖြာကျနေခဲ့ပြီ။ သူမ ခန္ဓာကိုယ်ပေါ်မှာလည်း အနွေးဓါတ်သဲ့သဲ့လေးကို ခံစားနေရသည်။ ထိုနွေးထွေးမှုက သူမ တစ်ကိုယ်လုံးမှာရှိတဲ့ ဆဲလ်တစ်လုံးချင်းစီတိုင်းကိုလည်း ရှင်သန်လာစေသလိုပဲ။
ဒီနေ့က သူမ ပြန်ရောက်လာခဲ့တဲ့ ၄ရက်မြောက်နေ့ဖြစ်ပြီး အထက်တန်းကျောင်းတက်ရမဲ့ ပထမဆုံးနေ့လည်းဖြစ်သည်။ သူမနဲ့ အတန်းဖော်ဖြစ်လာမည့် ဆယ်ကျော်သက်အရွယ် ကျောင်းသား လီဝေနဲ့ တွေ့မဲ့နေ့ကလည်း ဒီနေ့ပင် ဖြစ်သည်။
ကျန်းမန့်က သူမ မျက်လုံးတွေကို ပွတ်လိုက်ပြီး သူမအတွက် တစ်ချိန်တည်းမှာပဲ ရင်းနှီးသလိုရော၊ စိမ်းသက်နေသလိုရော ဖြစ်နေတဲ့ ပြတင်းပေါက်အပြင်က မြင်ကွင်းကို ငေးနေမိသည်။
သူမ တကယ် ပြန်ရောက်လာခဲ့ပြီ။ N မြို့တော်ကို ... သူ ရှိခဲ့တဲ့ ဒီအချိန်... ဒီနေရာကို ပြန်ရောက်လာခဲ့ပြီ။
အရင်ဘဝမှာ လီဝေသေဆုံးသွားကတည်းကစပြီး သူမက လုံးဝကို မတူညီတဲ့ လူတစ်ယောက်အဖြစ်ပြောင်းလဲသွားခဲ့သည်။ သူမ စားမဝင်၊ အိပ်မပျော်ဖြစ်လာပြီး လျင်လျင်မြန်မြန်ပဲ ရေဓါတ်ခန်းခြောက်လာခဲ့သလို ခန္ဓာကိုယ်ကလည်း ချုံးချုံးကျသွားခဲ့သည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
