Unicode
" မန့်မန့် ကိုယ် လက်ခံလို့မရဘူး "
ကျန်းမန့် စကားပြောမထွက်တော့သည်ကြောင့် သူမ ခေါင်းကို မော့ကာ သူ့မေးဖျားလေးကို ခပ်ဖွဖွတို့ထိ နမ်းလိုက်သည်။
သူမ လက်ဖြင့် တင်းကြပ်ဆို့တစ််နေသော ကိုယ့်ရင်ကိုယ် ဖိထားမိသည်။
သူ့ကို ဒီလိုမြင်ရသည်မှာ သူမ အသက်ရှူကြပ်မတတ် ရင်နာရသည်။
ကောင်လေးဟာ အနည်းငယ် ငြိမ်သက်သွားပြီးနောက် ဆက်ပြောသည်။
" သူတို့ အခုပဲ ကိုယ့်ဆီ လာသွားတာ "
" မင်း မလာခင်တုန်းက သူတို့နှစ်ယောက်လုံး ကိုယ့်ရှေ့မှာ တစ်ချိန်တည်း အတူ ပေါ်လာပြီး ကိုယ့်နားထဲ စကားတွေပြောနေခဲ့ကြတာ "
ခဏတဖြုတ်စာ အချိန်တစ်ခုအထိ သူ စိတ်လွတ်သွားခဲ့ပြီး သူ့ကိုယ်တိုင် ဘာလုပ်ခဲ့မှန်း မသိဘူး ဖြစ်သွားသည့် အကြောင်းကို သူ မပြောဘဲ ခြွင်းချန်ခဲ့သည်။
သူအသိပြန်ဝင်လာသည့်အချိန်တွင် သူ့ဘေးနား သူမရှိနေခဲ့ပြီ။
ရုန်းကန်နေသည်မှ ရုတ်ချည်း လက်မြှောက်အရှုံးပေးလိုက်သကဲ့သို့ သူ မျက်ခွံများကို ပိတ်ချလိုက်တော့သည်။
" မန့်မန့်၊ သူတို့ပြောတာတွေအားလုံးက အမှန်တွေ။ ကိုယ်က တကယ့်ကို ရူးနေတာပဲ "
" နှစ်တွေ အများကြီးကို တကယ်ရှိမနေတဲ့ လူနှစ်ယောက်နဲ့ ကိုယ် ဖြတ်သန်းလာခဲ့တာ "
မျှော်လင့်ချက်မဲ့စွာ၊ စိတ်ပျက် နာကျင်စွာဖြင့် သူ့ခေါင်းကို ငုံ့ချလိုက်ပြီး သူမ လည်တိုင်ထက်တွင် မြှုပ်ထားလိုက်သည်။ သူ့အသံမှာလည်း မကြားနိုင်လောက်အောင် တိုးဝင်နေခဲ့သည်။
" ကိုယ့်ကို လိုချင်သေးရဲ့လား မန့်မန့် "
သူက အရူးတစ်ယောက်ပဲ။ သူ့ဘိုးအေကတောင် သူ့ကို ကြောက်လို့ စွန့်ပစ်ခဲ့တာ။
သူကိုယ််တိုင်တောင် သူ့ကိုယ်သူ စက်ဆုပ်မိပါ၏။
ဒီလိုမျိုးသူ့ကို သူမ လိုချင်ပါဦးမလား?
သူမ သူ့ကို ကြောက်နေမလား? သူ့ကို ... ထားသွားမှာလား?
" မင်း ထွက်သွားချင်ရင် ကိုယ် ... "
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...