Unicode
အောက်တိုဘာ ၇ ရက်နေ့မှာ ကျန်းမန့် N မြို့ရဲ့ ဖျော်ဖြေရေး ခန်းမကြီးကို မနက်အစောကြီး ရောက်လာခဲ့သည်။
သူတို့ N မြို့ရဲ့ အမှတ် ၁ အထက်တန်းကျောင်းက ပြည်နယ်ရဲ့ ထိပ်သီးကျောင်းတစ်ခုဖြစ်သလို ကျောင်းသားတွေရဲ့ ဘက်စုံဖွံ့ဖြိုးတိုးတက်မှုအတွက် အလွန် အရေးပါသည်။ ကျောင်းရဲ့ ယဉ်ကျေးမှုနဲ့ အနုပညာကို ဖွင့်ချပြနိုင်တဲ့ ဒီနေ့လိုပွဲက တကယ့်ကို ခမ်းနားကြီးကျယ်လှသည်။ ထို့ကြောင့်ပင် နှစ်တိုင်း အမျိုးသားနေ့ သရုပ်ပြဖျော်ဖြေပွဲအတွက် သူမတို့ကျောင်းက မြို့လယ်ခေါင်မှာရှိတဲ့ ယဉ်ကျေးမှု ဖျော်ဖြေးရေးခန်းမကို ငှားရမ်းသည်။
ကျောင်းသားအားလုံးအတွက် ထိုင်ခုံနေရာတွေသာမက လာဖို့ စာရင်းသွင်းထားတဲ့ မိဘတွေအတွက် ဟောခန်းရဲ့ တစ်ဖက်မှာ နေရာစီစဉ်ထားပေးသည်။
ကျန်းမန့်က စင်နောက်ဝင်ပြီး သူမ အတွက် ကျန်းဟွေ့ဖန်း ပြင်ပေးလိုက်တဲ့ ဝတ်စုံကို လဲဝတ်လိုက်ပြီးနောက် မိတ်ကပ်ပြင်ပေးတဲ့ဆီကို သွားလိုက်သည်။ ကျောင်းသား၊ ကျောင်းသူတွေအတွက် ကျောင်းက ကျွမ်းကျင်တဲ့ မိတ်ကပ်ပညာရှင်တွေကို ငှားထားပေးတယ်။
မနေ့က အစမ်းဖျော်ဖြေမှုမှာ ဖျော်ဖြေသူ တော်တော်များများကို တွေ့ပြီးပြီဖြစ်သည်။ သူတို့တွေကလည်း အဝတ်လဲတဲ့နေရာမှာ ဒီမနက် ဒုတိယအကြိမ် အစမ်းဖျော်ဖြေမှုအတွက် အဆင်သင့်ဖြစ်နေကြပြီး စိတ်လှုပ်ရှားစွာ စောင့်နေကြသည်။
စာပေနဲ့ အနုပညာဌာနက ခေါင်းဆောင်ဖြစ်တာကြောင့် ချင်ရွိုက်က ပီယာနိုတီးတဲ့ တစ်ကိုယ်တော်တင်ဆက်မှုအပြင် ပွဲတစ်ခုလုံးကို ပူးပေါင်းပြင်ဆင်ပေးရပြီး အစီစဉ်တင်ဆက်ပေးရသည်။ သူက ဝင်လာလိုက် ထွက်သွားလိုက်နဲ့ တင်ဆက်မဲ့ ကျောင်းသားတွေ တစ်ယောက်ချင်းရဲ့ အခြေအနေကို စစ်ဆေးကာ ပြင်ဆင်ရတာတွေနဲ့ အရမ်းကို အလုပ်ရှုပ်နေသည်။
" မိတ်ကပ်ဆရာ ... ဒီကျောင်းသူကို အရင်ပြင်... "
သူက တံခါးဖွင့်လိုက်ချင်းချင်းမှာပဲ အဝတ်လဲခန်းမှာ မိတ်ကပ်ပြင်ဖို့ ရပ်စောင့်နေတဲ့ ထိုမိန်းကလေးကို တွေ့လိုက်ရသည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
