Unicode
စက်တင်ဘာနှောင်းပိုင်းတွင် မွန်းတည့်ချိန်နေအပူချိန်က ဂျူလိုင်နဲ့ ဩဂုတ်လတွေထက် အနည်းငယ်လျော့လာခဲ့ပြီး အပူလှိုင်းဟာလည်း တဟုန်တိုးတောက်တောက်လောင်နေခြင်းမရှိတော့ဘဲ ဒီနှစ်ရက်အတွင်းမှာ လအတော်ကြာပူအိုက်နေတဲ့ လေနွေးနွေးတွေကလည်း ပျောက်သွားခဲ့ပြီဖြစ်သည်။
အောက်တိုဘာ ရောက်လာရင် ဆောင်းဦးဝင်တော့မည်။ နည်းနည်းလောက်ကြာသည်နှင့် N မြို့ အထက်တန်းကျောင်းက နှစ်စဉ်ကျင်းပသည့် အမျိုးသားနေ့ပွဲကို ရောက်လာမည်ပင်။
ကျောင်းသားကောင်စီနဲ့ ကျောင်းအဖွဲ့တွေအပြင် အထက်တန်း ပထမနှစ်နဲ့ ဒုတိယနှစ်အတန်းတွေက ဖျော်ဖြေမှု နှစ်ခုကို ပြင်ဆင်ကြရမှာဖြစ်သည်။ ထို့နောက်တွင်မူ အစမ်းဖျော်ဖြေပြီး ကျောင်းက အကောင်းဆုံးအဖွဲ့တွေကို ရွေးချယ်လိမ့်မည်။ အကယ်၍ ကျောင်းအလိုက် ဖျော်ဖြေမှု ထိပ်ဆုံး ၁၀ ခုထဲကို ဝင်သွားနိုင်လျှင် ထိုကျောင်းရဲ့ ဖျော်ဖြေရေးဌာန ဒါမှမဟုတ် အဖွဲ့ကို တံခွန်အလံဆုချသွားမှာဖြစ်သည်။
ကျန်းမန့်တို့ အတန်းက လက်တွေ့အတန်း(သိပ္ပံအတန်း) ဖြစ်တာကြောင့် အဆင့်တွေကသာ အရေးအကြီးဆုံးဖြစ်သည့်အပြင် အတန်းပိုင်ဆရာတွေကလည်း ဒီလိုမျိုး ဆုတံဆိပ်တွေကို စိတ်ကို မဝင်စားသည်ကြောင့် အခုထိ ဖျော်ဖြေမှုအတွက် အပြည့်အဝ စာရင်းမပေးသွင်းထားရသေး။
ကျန်းမန့်မှတ်မိတာကတော့ သူမ ပထမနှစ်အတန်းက ကျောင်းသူတချို့ ကပြတဲ့ စီစဉ်မှုလေးတစ်ခုပဲ ရှိခဲ့သည်။ အဲ့တာက နောက်ဆုံး သူတို့ ကျောင်းရဲ့ ဇကာတင်ရွေးချယ်မှုမှာတောင် မပါခဲ့ဘဲ အဆုံးသတ်သွားခဲ့သည်။
ထမင်းစားပြီးတော့ သူမနဲ့ ချန်ဖေးအာက ကျောင်းဝန်းထဲကို လျှောက်သွားကြည့်သည်။
N မြို့က အကြီးဆုံးအထက်တန်းကျောင်းဖြစ်တာကြောင့် ဖြစ်တာကြောင့် ဧရိယာအကျယ်ကြီးပေါ်မှာ တည်ဆောက်ထားတာဖြစ်ပြီး မီတာ ၄၀၀ ရှိသော စက်ဝိုင်းပုံ ပြေးလမ်းနှင့် အလယ်တွင် ဘောလုံးကွင်းကျယ်ကြီးရှိသည့် စိမ်းလန်းလှပါသော မြက်ခင်းကျယ်ကြီး၊ ကျောင်းအလယ်တည့်တည့်ဝယ် ကာယအတန်းချိန်တိုင်း အသုံးပြုသည့် ဘက်စ်ကတ်ဘောနှင့် ဗော်လီဘောကစားတဲ့ လေးထောင့်ကွင်းရုံကြီးဆိုပြီး ကျောင်းဝန်းထဲ၌ ကွင်းပြင်နှစ်ခုရှိသည်။
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...