Unicode
သူတို့နှစ်ယောက် ကမ်းခြေမှ လမ်းလျှောက်ပြန်ခဲ့ကြသည်။ အစက လီဝေအိမ်မှာ ကျန်းမန့် တစ်ညနေပြီး တစ်ခါတည်း နက်ဖြန် ကျောင်းကို စာမေးပွဲသွားဖြေပြီးမှ အိမ်ပြန်ရန် တွေးထားခဲ့ပေမဲ့ ကျန်းဟွေ့ဖန်းက အိမ်ပြန်လာဖို့ ပြောသည်ကြောင့် လီဝေကို နှုတ်ဆက်ဖို့ပဲ ရှိတော့သည်။
သူမ စိတ်ပူနေသေးတာကြောင့် ဖုန်းဆိုင်ကို လီဝေနဲ့ အတူ သွားပြီး ဖုန်းအသစ်တစ်လုံးဝယ်ကာ သူမ၏ နံပါတ်ရိုက်ထည့်ပေးလိုက်သည်။
" ကောင်လေး ငါ့ကို ညကျရင် စာပို့ဦးနော် "
လီဝေ နာခံစွာ ခေါင်းညိတ်ပြပြီး သူ့နှုတ်ခမ်းတို့တွင် အပြုံးတို့ကို တွဲချိတ်လျက်ဖြင့်
" အင်း၊ မန့်မန့်။ ကိုယ် အိမ်လိုက်ပို့ပေးမယ် "
သူမ အိမ်အောက်ထပ်ကို ရောက်တဲ့အခါ ကျန်းမန့် အပေါ်ထပ်ကို တက်တော့မလို့ လုပ်ပေမဲ့ ထိုကောင်လေး သူမ အနောက်ကနေ ခေါ်လိုက်တာကို ကြားလိုက်ရသည်။
" မန့်မန့် "
သူ့အသံက ကြမ်းရှရှဖြစ်နေပြီး စိတ်အခြေအနေမည်သို့ရှိနေသည်ကို ကျန်းမန့် မမှန်းနိုင်ပေ။
သူမ နောက်ကို ပြန်လှည့်လိုက်ပြီး
" ဘာဖြစ်လို့လဲ။ ငါ့ကို မခွဲနိုင်လို့လား "
သူက အတော်ကြာသည်အထိ တိတ်ဆိတ်နေပြီး နောက်ဆုံးအထိ စကားပြောမထွက်ခဲ့ပေ။
ပြုံးကာ လက်ကို ဝှေ့ယမ်းပြလိုက်သည်။ သူ့မျက်လုံးများတွင် ခံစားချက်များက ပြင်းထန်နေသည်။ ဤကဲ့သို့သော ဆောင်းရာသီကြီးနှင့် ဆန့်ကျင်စွာ အပူများမြိုက်လောင်နေသကဲ့သို့ပင်။
ကျန်းမန့် စိတ်တွေလည်း ပူလောင်နေရသည်။ သူ့ဆီကို ပြန်လျှောက်သွားလိုက်ပြီးနောက် ပါးကို ဖြည်းညှင်းစွာ လှမ်းနမ်းလိုက်လေပြီးလျှင် တောက်ပလာသော သူမ မျက်လုံးများဖြင့် ကြည့်ကာ နှုတ်ဆက်လိုက်သည်။
" အင်း၊ ဒါဆို ငါ အပေါ်တက်တော့မယ်။ အိမ်မှာ တစ်ယောက်တည်းရှိနေတုန်း လျှောက်တွေးမနေနဲ့နော်။ တစ်ခုခုလိုအပ်တာရှိရင် ငါ့ကို ဖုန်းဆက်လိုက် ဟုတ်ပြီလား "
ŞİMDİ OKUDUĞUN
(Completed) An Encounter With Your Younger Self (Myanmar Translation)
RomantizmRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...