Unicode
ပထမထပ်က ကော်ရစ်ဒါမှာ အရှိန်နဲ့ပြေးသွားတဲ့ကောင်လေးနှစ်ယောက်က ဝင်တိုက်သွားတာကြောင့် လီဝေက မြေပြင်ပေါ်ကို လဲကျနေခဲ့ပြီ။ သတိမဲ့စွာနဲ့ပဲ မြေပြင်ပေါ်ကို ထောက်ထားတဲ့ သူ့လက်ပေါ်ကို သူ့တစ်ကိုယ်လုံးက အလေးချိန်က အားနဲ့ ဖိချေထားသည်။ လီဝေ မြေပြင်ကို လဲကျသွားတာနဲ့ 'ဘုန်း' ဆိုပြီး အသံထွက်လာခဲ့သည်။
သူ သယ်လာခဲ့တဲ့ ဖတ်စာအုပ်တွေအားလုံးကလည်း ကြမ်းပြင်ပေါ်မှာ ပြန့်ကျဲနေပြီး တီရှပ်အဖြူကလည်း ဖုန်တွေနဲ့ ပေရေသွားသည်။ နဂိုက ဖြူဖွေးနေခဲ့တဲ့ ထို အင်္ကျီအဖြူမှာ မြေပြင်နဲ့ ပွတ်တိုက်မိလို့ ပေါက်ပြဲရာတောင်ဖြစ်သွားခဲ့သည်။
သူပြန်မထနိုင်တော့တာကြောင့် ထိုဆယ်ကျော်သက်ကောင်လေးက လဲကျသွားတဲ့နေရာမှာပဲ သူ့ခေါင်းက ငုံ့ထားလျက် မျက်လုံးတွေက ငိုက်ကျနေခဲ့တယ်။
သူ့ကို ဝင်တိုက်သွားတဲ့ကောင်လေးနှစ်ယောက်က သူ့ကို ကူပေးဖို့ လက်တောင်ကမ်းမလာကြဘဲ သူ့ဘေးမှာ ရပ်နေကြသည်။
ကျန်းမန့် ထိုကျောင်းသားနှစ်ယောက်ကို သိတာပေါ့။ သူတို့က အတန်းဖော်တွေဖြစ်ခဲ့ကြတာပဲ။ ပိန်ပိန်နဲ့ အားမရှိတဲ့ တစ်ယောက်က ဝမ်ရှောင်ဖန်းလို့ခေါ်ပြီး အသားညိုညို အရပ်ရှည်ရှည်နဲ့ အားသန်တဲ့ တစ်ယောက်က လျိုချန် လို့ခေါ်တယ်။ လျိုချန်က ကျောင်းအားကစား အသင်းမှာ ဝင်ထားသေးတာလည်း သူမ မှတ်မိသည်။
ပြီးတော့ သူများတွေပြောကြတာက သူတို့တွေက လီဝေနဲ့ အလယ်တန်းကျောင်းတူတူတက်ခဲ့ကြတာတဲ့။ ဝမ်ရှောင်ဖန်းက ဖြစ်သွားတဲ့အခြေအနေကိုကြည့်ပြီး သူ့မျက်လုံးတွေက ကြောက်ရွံ့မှုတွေ အပြည့်နဲ့ နှုတ်ခမ်းတွေက တုန်ရီစွာ ပြောလာသည်။
"လီ ... လီ ဝေ ငါတို့ ... ငါတို့ တမင်လုပ်တာမဟုတ်ဘူး။ မင်း... "
သူပြောလို့ မပြီးခင် ဘေးက လျိုချန်က တားလိုက်ပြီး
" မင်း ဘာ ကြောက်နေတာလဲ။ ဒီတိုင်းလေး ဝင်တိုက်မိတာပဲကို ... ကြီးကြီးကျယ်ကျယ် ဘာမှ,မှ မဖြစ်သွားတာ။ "
YOU ARE READING
(Completed) An Encounter With Your Younger Self (Myanmar Translation)
RomanceRebirth Plan to Save the Leader (completed) [ ပြန်လည်မွေးဖွားလာပြီးနောက် ဉာဏ်ကြီးရှင်ကို ကယ်တင်ခြင်း အစီအစဉ် ] မြန်မာဘာသာပြန် ⚠️Disclaimer I'm not the owner of the story. All the credits go to the original author. [Please don't repost any of my tr...
