Maw Kun
နွေပြန်သွားတာတစ်ရက်ပဲရှိသေးပေမဲ့ မော်ကွန်းအတွက်တော့တစ်ကမ္ဘာလောက်ကြာနေခဲ့၏။ ဟိုတယ်ကိုလည်းပြန်မသွားနိုင်တော့ဘဲ အင်လျားအိမ်မှာပဲနေဖြစ်တော့တယ်။ မော်ကွန်းတင်မက ကလေးနှစ်ကောင်ကပါနွေ့ကိုလိုက်ရှာနေတာမြင်မိတော့ စိတ်ထဲမကောင်းဖြစ်ရပြန်တယ်။ ဘယ်နှစ်ရက်ရယ်ဆိုပြီးတိတိကျကျမပြောသွားတော့ စိတ်မောလူမောနဲ့ကျန်နေခဲ့ရတဲ့အဖြစ်က ထီပေါက်ပြီးမှထီလက်မှတ်ပျောက်သွားသလိုမျိုး။
ရုံးကိုမလာတော့ဘူးပြောခဲ့သူက နေ့လည် ၂ နာရီခွဲမှာရောက်ချလာပြီး မန်နေဂျာအသစ်နဲ့လွှဲစရာရှိတာလွှဲပြီးမှ နှုတ်ဆက်ပွဲလေးလုပ်ကာတိုက်ခန်းကိုပြန်သွား၏။ မော်ကွန်းကလည်းအလုပ်တွေရှုတ်နေတော့ ပြန်သွားတာကိုတောင်မသိလိုက်ပါ။ ဦးလေးသော်ကိုတော့နွေ့အတွက်ပဲသီးသန့်ထားပေးလိုက်ပြီး မော်ကွန်းအတွက် Driver အသစ်တစ်ယောက်ထပ်ခန့်လိုက်ရတယ်။
နွေ့အတွက်စီစဉ်ထားတဲ့ကုမ္ပဏီကလည်းစတင်လည်ပတ်နေပါပြီ။ ကုမ္ပဏီကိုပြင်ဆင်ခြင်း၊ အလုပ်သမားတွေကိုခန့်အပ်ခြင်းကိစ္စတွေအတွက် Consultancy Company တစ်ခုကိုအပ်ထားလိုက်ပြီး မန်နေဂျာတစ်ယောက်နဲ့ကြီးကြပ်ခိုင်းစေထားတာ နွေအလုပ်ထွက်စာတင်တဲ့အချိန်ထဲက။ သိပ်လည်းလှသလို အလှအပရေးရာတွေကိုစိတ်ဝင်စားတဲ့ကောင်လေးအတွက် Cosmetic သွင်းကုန်နဲ့ဖြန့်ချီရေး Company မျိုးကအသင့်တော်ဆုံးမဟုတ်လား။
နွေ့အတွက် PA နဲ့ Secretary ကိုတော့မော်ကွန်းစိတ်တိုင်းကျရွေးပြီးခန့်ထားလိုက်တယ်။ အသက် ၄၀ ကျော်အရွယ် PA အမည်ခံ Bodyguard အမျိုးသားက ဖေဖေ့မိတ်ဆွေတစ်ဦးလည်းဖြစ်သလို တိုက်ဂွမ်တိုလက်ရွေးစင်အားကစားသမားဟောင်းတစ်ဦးလည်းဖြစ်တော့ နွေ့ကိုကောင်းကောင်းစောင့်ရှောက်နိုင်ပါလိမ့်မယ်။
Secretary အမျိုးသမီးကတော့ ခန့်ပြီးပေမဲ့နွေနဲ့မတွေ့ဆုံရသေးဘဲ ကုမ္ပဏီမှာပဲအလုပ်ဝင်နေရ၏။ PA အမျိုးသားကတော့လောလောဆယ်မော်ကွန်းအနားမှာပဲနေနေရတယ်။
တစ်ယောက်ထဲကျင်လည်နေထိုင်ခဲ့စဉ်ကဘယ်လိုမှမခံစားခဲ့ရပေမဲ့ နွေနဲ့နှစ်ရက်လေးအတူနေလိုက်ပြီးမှ နေလို့မတတ်အောင်ဖြစ်နေပါတော့တယ်။ မနေ့ညကအိမ်ပြန်လာတော့ ကလေးနှစ်ကောင်ကိုဝင်ကြည့်ပြီးခဏဆော့ပေးလိုက်ရသေးတယ်။ နွေမရှိတုန်းဒီကောင်လေးတွေကိုကြည့်ဖို့အတွက်လုံခြုံရေးဝန်ထမ်းတွေကိုပဲတာဝန်ပေးထားရတော့မယ်။
