Maw Kun
ကားတံခါးဘက်ကိုကပ်ပြီး ငြိမ်ငြိမ်လေးလိုက်လာသူက လည်ပင်းလိမ်မတတ်တစ်ဖက်လှည့်ထားတာများဇက်နာသွားမှာတောင်စိုးပါတယ်။ အသာလေးတိုးကပ်သွားပြီးမှ လက်တစ်ဖက်ကိုလှမ်းကိုင်လိုက်မိတော့ လှည့်မကြည့်ပေမဲ့အတင်းရုန်းလာတော့ ဇွတ်အတင်းဖျစ်ညှစ်ထားလိုက်မှငြိမ်သက်သွားတယ်။ Driver ကိုလှမ်းကြည့်လိုက်ပုံလေးကြောင့် ရီချင်သွားပေမဲ့မရီရက်တော့ပါ။
အပြင်ကမီးရောင်နဲ့ မြင်နေရတဲ့ဘေးတစ်စောင်းမျက်နှာလှလှလေးကို စောင်းငဲ့ကြည့်နေမိတာလမ်းတစ်လျှောက်လုံး။ ကြည့်နေတာကိုသိနေပုံနဲ့ နှုတ်ခမ်းလေးတွေကစူပုတ်ပုတ်။ ဖြစ်ပျက်နေတဲ့ရုပ်ကလေးကိုကြည့်ပြီး မော်ကွန်းရင်ထဲကလိကလိဖြစ်နေရတယ်။
ပြောသင့်တာတွေလည်းပြောလိုက်ပြီးပြီဆိုတော့ ဒီနေ့အတွက်တော့လုံလောက်သွားပါပြီ။ နောက်နေ့တွေအတွက်တော့ တစ်ဆင့်ပြီးတစ်ဆင့်လာရမှာပေါ့။ မကျေနပ်တဲ့မျက်နှာလေးနဲ့ ပြောဆိုသွားတဲ့စကားတွေကိုပြန်စဉ်းစားမိတော့ မျက်နှာပိုးကိုမနည်းသတ်ရပြန်တယ်။
ဒီနေ့ကစပြီးအလုပ်ထွက်ပြီမှတ်တဲ့။ ပြောပြီး မော်ကွန်းကိုထုရိုက်ကာလွှားခနဲကျောခွသွားတာများ လူတောင်ကြောင်အသွားတယ်။ အရှောင်မြန်ပေလို့ သူ့ဒူးနဲ့မော်ကွန်းမျက်နှာမိတ်မဆက်သွားတာ။ ထိများထိသွားရင် နောက်နေ့ရုံးကိုဘယ်မျက်နှာနဲ့တက်ရမှန်းတောင်မသိ။
ကုမ္ပဏီဝန်းထဲကနေပြေးထွက်သွားပုံက လွတ်လိမ့်မယ်များထင်နေသလား။ ထမ်းခေါ်ရမလားမေးလိုက်မှ စူကောက်ကောက်မျက်နှာလေးနဲ့ ဆွဲဖွင့်လိုက်တာကရှေ့ခန်းတံခါး။ ဖွင့်လို့မရတော့မှ အနောက်ခန်းကိုတက်လာတဲ့ပုံက ပေစောင်းစောင်းမှုန်တေတေ။
သနားလည်းသနား ရီလည်းရီချင်မိပေမဲ့မရီရဲပါ။ ချောင်ပိတ်မိနေတဲ့ကြောင်ကလေးလို ထကုတ်တော့မဲ့မျက်နှာကလေးနဲ့ဆိုတော့ အသာငြိမ်နေလိုက်ရတယ်။ အခုတော့ ချွေးစေးတွေနဲ့စိုစွတ်နေတဲ့လက်ကလေးတစ်ဖက်က မော်ကွန်းလက်ထဲမှာရောက်နေပါပြီ။
လူကိုတစ်ချက်ကလေးတောင်လှည့်ကြည့်မလာတော့ လက်ဖဝါးလေးကိုလက်ညှိုးနဲ့ကုတ်ခြစ်လိုက်မိချိန် ဆတ်ခနဲလှည့်ကြည့်လာပြီးနှုတ်ခမ်းကိုကိုက်ပြ၏။ သဘောကသိပ်စိတ်တိုနေတယ်ပေါ့။