Maw Kune
မင်္ဂလာရှိသောနေ့ရက်ကလေးဖြစ်ပါစေနွေ...
ကျောင်းတစ်ဖက်နဲ့မအားတဲ့ကြားကနွေ့စာကလေးမျှော်နေမိတဲ့အချိန်တွေကအရူးတစ်ယောက်လိုပါပဲ။ နွေ့ဆီက ပြန်စာတွေရောက်မလာတာတစ်လကျော်နေပြီနော်။
စာမေးပွဲနီးလို့မအားဘူးလို့ပဲထင်ပါတယ်။ ဟုတ်တယ်မဟုတ်လား။ လူကိုအပြင်မှာမြင်လိုက်ရလို့ခင်မင်ချင်စိတ်တွေပျက်ပြီးအဆက်အသွယ်ဖြတ်သွားတာတော့မဟုတ်ပါဘူးနော်။
ကျွန်တော်စိတ်ထဲတစ်မျိုးကြီးပဲနွေရယ်။ တွေ့တုန်းကလည်းစာတွေထဲကလိုရင်းနှီးမနေဘဲခပ်စိမ်းစိမ်းဖြစ်နေတဲ့ပုံရိပ် ကလေးတွေကိုပြန်စဉ်းစားပြီးဟိုတွေးဒီတွေးလျှောက်တွေးနေမိတယ်။
နွေ့အတွက်ကလောင်မိတ်ဆွေဆိုတာ ဘယ်လိုသတ်မှတ်တယ်မသိပေမဲ့ နွေ့အပေါ်မှာတော့ကလောင်မိတ်ဆွေဆိုတာထက်ပိုပြီးရင်းနှီးခင်မင်နေတဲ့ကျွန်တော့်အတွက်တော့ နွေ့ဆီကစာတွေရောက်မလာတာကိုတကယ်ဝမ်းနည်းမိပါတယ်။
သဇင်ပန်းတွေပေါ် ချိန်နဲ့စာမေးပွဲရက်တွေနီးနေလို့နွေစာမရေးအားတာပါလို့ဘဲကိုယ့်ဘာသာဖြေသိမ့်နေရတယ်။
ကျွန်တော်ကသာမာန်လူတစ်ယောက်ဆိုပေမဲ့ နွေ့အပေါ်ခင်မင်ခြင်းကသာမာန်ထက်ပိုပါတယ်နွေရယ်။
ကျွန်တော်လေအခုတလောအရင်တုန်းကနွေရေးပို့ပေးခဲ့တဲ့စာတွေကိုအချိန်အားတိုင်းပြန်ပြန်ဖတ်ဖြစ်နေမိတယ်။ လူချင်းတွေ့ပြီးကတည်းကစိမ်းကားသွားတယ်လို့ခံစားနေရတဲ့စိတ်တွေကို နွေ့စာကလေးတွေပြန်ဖတ်ပြီးနွေးထွေးဖို့ကြိုးစားနေရတယ်။
နွေကနားလည်ရသိပ်ခက်တာပဲ။ စာတွေထဲမှာတော့သိပ်ကိုနွေးထွေးတာပဲ။ ကျွန်တော့်ကိုသိပ်ခင်တတ်တဲ့နွေဆိုတာအခုပျောက်ဆုံးသွားပြီလားဟင်။ ကျွန်တော့်ကိုခင်မင်တွယ်တာတဲ့နွေဟာစာတွေထဲမှာပဲရှိနေတာလား။ အပြင်လောကမှာတကယ်မရှိဘူးလားဗျာ။
ကျွန်တော်နွေ့ဆီကိုစာရေးပို့နေတာနွေပြန်သွားကတည်းကဆို ဒါ ၃ စောင်ရှိပြီနော်။ နွေ့ဆီကတော့ပြန်စာမလာခဲ့ဘူး။ အရင်ကဆိုကျွန်တော့်စာရောက်တိုင်းချက်ချင်းစာပြန်တတ်တဲ့နွေနှောင်းလေးကဘယ်ရောက်နေသလဲ။
