နွေနှောင်း
ခြံတံခါးဖွင့်ဝင်လာပြီးအိမ်ပေါက်ဝရောက်ကာမှအတွင်းထဲကနေခတ်ထားတဲ့သော့ခလောက်ကြီးကိုအမြင်ရင်ထဲထိတ်ခနဲ။ တဂျောက်ဂျောက်အသံပေးလိုက်တော့မှအိမ်နောက်ဘက်ကနေအပြေးထွက်လာသူကကြီးမြ။
ရပ်ကွက်ထဲမှာအိမ်တကာလှည့်ပြီးထမင်းချက်အဝတ်လျှော်တောက်တိုမယ်ရလုပ်တဲ့ကြီးမြကနွေတို့အိမ်ကိုတစ်ပတ်တစ်ခါလာပြီးအဝတ်လျှော်ပေးရသူပါ။ အခုလည်းထမီအနားတွေကရေတွေရွှဲစိုလို့။ ရေစိုလက်ကိုတင်ပါးမှာသုတ်ရင်းအပြေးတပိုင်းထွက်လာရင်းနွေ့ကိုမြင်တော့...။
"အိမ်မှာတော့ကုလားသိုက်ကျားဝင်ကိုက်သလိုဖြစ်နေတယ်ဝဿန်ရေ့"
"ဟင်...ဘာဖြစ်လို့လဲ"
အိမ်ပေါက်ဝမှာရပ်ပြီးခရီးရောက်မစိုက်ကြားလိုက်ရတဲ့စကားကြောင့်အလန့်တကြားမေးလိုက်မိတော့...။
"မင်းအမေမသက်သာလို့ ညနေ ၃ နာရီကဆေးရုံကိုတင်လိုက်ရတယ်လေ။ ဆိုင်မှာကလည်းလူကကျနေတော့မလတ်လည်းချက်ချင်းလိုက်သွားလို့မရဘူး။ သဇင်တစ်ယောက်ထဲဆေးရုံလိုက်သွားပြီးပြန်ကိုမလာနိုင်သေးဘူး။ မလတ်ဆိုင်ကကောင်မလေးတစ်ယောက်လာခေါ်လို့ကြီးမြအိမ်လာစောင့်ပေးနေရတာ"
ညနေ ၆ နာရီကျော်နေကာမှဆေးရုံကိုလိုက်သွားလို့လည်းမရနိုင်တော့ပါ။ မမကြီးတစ်ယောက်ထဲဘယ်လိုများဖြစ်နေမလဲစိတ်ထဲပူရပြန်တယ်။
"ဒုက္ခပါပဲကြီးမြရယ်၊ မမကြီးတစ်ယောက်ထဲအဆင်မှပြေရဲ့လား။ ဒီအချိန်ဆိုဆေးရုံကြီးကဝင်လို့မရလောက်တော့ဘူးနော်။ မလတ်ကရောပြန်မလာသေးတာလား၊ လိုက်သွားပြီလား"
အိမ်နဲ့ ၃ မှတ်တိုင်လောက်ဝေးတဲ့နေရာမှာ အလှပြင်ဆိုင်ဖွင့်ထားတဲ့မလတ်ကည ၇ နာရီကျော်မှအိမ်ပြန်လာနိုင်သူပါ။
"ညနေ ၅ နာရီလောက်ကဆေးရုံကိုလိုက်သွားပါပြီ။ ဒီညမင်းကိုအိမ်မှာပဲနေတဲ့။ မနက်မှလူချင်းချိန်းကြမယ်တဲ့။ ခုနကပဲမလတ်ဖုန်းဆက်တယ်။ ဒီညတော့သူတို့ညီအစ်မပဲဆေးရုံမှာစောင့်အိပ်လိုက်ကြမယ်။ မင်းကိုမနက်မှထမင်းချိုင့်နဲ့လာခဲ့တဲ့"
