ကားဆရာဆီကရှေ့နားလောက်ဆိုရောက်ပါပြီဆိုတဲ့စကားကိုကြားလိုက်မှ အတွေးများစွာနဲ့ငြိမ်သက်နေမိတဲ့မော်ကွန်းတစ်ယောက်အနည်းငယ်လှုပ်ခတ်သွားရ၏။
ဘေးမှာချထားတဲ့လက်ဆောင်ခြင်းကြီးကိုအနားဆွဲယူလိုက်ရင်းပတ်ဝန်းကျင်ကိုအကဲခတ်ကြည့်မိတော့ သန့်ရှင်းသပ်ရပ်တဲ့လမ်းမတန်းကလေးအတွင်းမှာအိမ်နဲ့ခြံဝန်းကလေးတွေကအစီအရီ။
ကားကလမ်းချိုးတစ်ခုကိုကွေ့ဝင်လိုက်ပြီးမှ လေးငါးအိမ်ကိုကျော်လွန်လာပြီးအပြာရောင်သံပန်းတံခါးတပ်ဆင်ထားတဲ့ခြံဝန်းကျယ်ကလေးတစ်ခုရှေ့တွင်ရပ်လိုက်၏။
အရင်အခြေအနေနဲ့ဆိုရင်စိတ်ရဲရဲနဲ့ရောက်ချလာနိုင်မလားပြန်တွေးမိတော့မသေချာ။ ဒါဆိုဘာအကြောင်းတရားတွေကြောင့်စိတ်ရဲရဲနဲ့နွေနှောင်းရှိရာကိုရောက်လာမိတာလဲ။ အနောက်ကတွန်းအားတွေကြောင့်များလားတွေးလိုက်မိတော့လည်းဘဝင်ကသိပ်မကျချင်။
အဝတ်အစားကအစအဆောင်အယောင်တွေကပါတောင်ငူတုန်းကနဲ့မတူတဲ့မော်ကွန်းကို နွေအမြင်မှာထူးဆန်းနေမလားတွေးမိတော့စိတ်ကရှက်လာသလိုလို။
တစ်ဖက်ကလည်းဒါကမှငါ့ဘဝအမှန် ငါရသင့်ရထိုက်တဲ့အရာတွေပဲလို့ခပ်တင်းတင်းတွေးမိလိုက်မှစိတ်အားကတက်ရပြန်၏။
ဘာဖြစ်သလဲ။ ဆန်ပေးလို့ဆီရတာ။ ဘာကိုများစိတ်မလုံမလဲဖြစ်နေရမှာလဲအတွေးနဲ့လူသားဆန်နေတာကိုလည်းကိုယ့်ဘာသာကျေနပ်ရတယ်။
ဘာအကြောင်းကြောင့်မှစိတ်မလုံမခြုံဖြစ်စရာမလိုပါဘူး။ လုပ်သင့်တယ်ထင်လို့လုပ်ခဲ့မိတဲ့အရာတွေအတွက်မော်ကွန်းနောင်တမရချင်ပါ။
လောလောဆယ်တော့စိတ်ရှုတ်ထွေးစရာကောင်းတဲ့ဘဝကြီးကနေ ခဏလောက်ထွက်လိုက်ဦးမယ်ဆိုတဲ့စိတ်နဲ့နွေးထွေးရာရပ်ဝန်းလေးတစ်ခုစီကိုဦးတည်လာခဲ့မိတော့သည်။
"သားပြောတဲ့လိပ်စာအရဆိုရင်ဒီခြံပါပဲ၊ ခြံနံပတ်တစ်ချက်ကြည့်ကြည့်လိုက်ပါဦး"
အလွတ်ရနေတဲ့ခြံနံပတ်ကလေးကအုတ်တံတိုင်းပေါ်မှာရေးထားတဲ့နံပတ်ကလေးနဲ့တိုက်စစ်စရာတောင်မလိုပါ။ သံပန်းတံခါးကြားကနေလှမ်းမြင်နေရတဲ့သဇင်တိုင်တွေက နွေ့အိမ်ကလေးဆိုတာကိုတိတိပပညွှန်ပြနေလေရဲ့။
