لهيب الانتقام ♥ ا(باللهجة الجزائرية) ♥

البارت 39

البارت هاذا والله غار في خاطر البنات اللي حبوني نكملها وبلاما نوصي فوط+ كومنتار

شدتها من شعرها ورماتها متوالهم  وهي تبكي واوس رايح ينفجر من التنرفيز شوية ووصل صاحبو يجري بعد ماعيطتلو ايفا دخل للقاعة يشوف في معشوقتو وحبيبتو مضروبة وتطايش في الارض  راح يجري متوالها  خايف عليها نوضها وعنقها  بقوة كون لقا كيفاه يدخلها داخل صدرو يدخلها  

ايهاب بالعياط : شكون اللي دارلها هكذا ؟؟؟ انطقوووو

ايفا ببرود : أنا بصح مادرتلها والو جيست كركرتها من شعرها  هاذا ماكان  ومزال ضك نتفنن فيها  ونتا تتفرج فيها 

اوس : والله وتقيسيها يا لوكان بغرام ساعتها راح ننسا انك مرا ومانشفقش عليك وانا اللي نتفنن في عذابك 

ايفا : راح نتغاضى على هدرتك الاخرة  وماارحش نديها بعين الاعتبار كون مام علابالي ماتدير والو شحال من مرة تهدد تهدد وع الاخر ماتدير فيها شي 

ايهاب : انا اللي راح ندمك ونخليك  عبرة لمن يعتبر كي تجرأتي ولمستي ممتلكات ايهاب  اكي ماتعرفينيش شكون انا 

اسما : اقسم بالله غار تعرف عليك حوايج نتا ماتعرفهمش على روحك 

ايفا : كي غاضك الحال على معشوقتك كون من الاول ما خليتش صاحبك يستغلها ويبعثها تتجسس عليا  كنت خمم 1000 مرة قبل ماتخليها تخطي خطوة هنا 

سكتو كامل مالقاو وش يريبونديو علابالهم هوما غالطين وكون هوما مايقبلوهاش ويقلبو الدنيا على راسها

ايفا :  مسيو ايهاب عمارة صدقني حبك ليها غالط 200% ويجي نهار اللي تعرف الحقيقة  وتندم  اللي وثقت فيها انا ميش رايحة نعذبها اليوم راح نخليها ليوم تشخص فيه الابصار ونتا راح تشهد على ذاك النهار  ونتي ياهديل اهربي مني وبعدي عليا قدما تقدري وماتوقفيش في طريقي راني علابالي بكلشيييي  واذا حبيتي تموتي ابشع موتة انا ماعنديش مشكل راني فارغة شغل 

هديل ولات ترجف من الخوف خافت لاتكشفها على حقيقتها وساعتها راح تخسر ايهاب وحبو وهاذا اللي مكانتش مدايراتو في الحساب انها توقع في الحب وراح تكون اكبر خسارة ليها تمانت تموت ولا تخسرو هو ولا اي واحد قريب لقلبها كانت مضطرة ميش بيديها ماهي خايفة من حتى واحد قدما خايفة من كره ايهاب  شافت في ايهاب نظرة قتلاتو خايفة وتستنجد بيه 

ايهاب : هاذا اختياري انا وانا راح نتحمل المسؤولية  ورح تدفعي الثمن غالي كون تقيسي منها شعرة 

ايفا : ههههه تلقيت تهديدات بزاااف من اللي قبلك  وندمو ع النهار اللي شافوني وعرفوني فيه هز زبالتك من واخرج من شركتي  قبل ماندير فيها كاارثة وماتلقا حتى عظم فيها صحيح..... اصلا اول مرة في حياتي نتجاوز غلطة واح سيرتو الخيانة  يااا شحال من واحد قبلها داارها  وضك راهو من اخوات كان  الخيانة وما ادراك ماالخيانة هي برك اللي مانسامحش عليها