وين راكي هاربة يا الهرابة تقراي طول هههه امشي ديري فوت وكي تخلصي خلي كومنتار ورايك في البارت
في الصباح
كانو متلايمين كامل في طاولة الفطور وجوههم حزينة وكاين اللي فرحان ميت بالسعادة
اسيا : وين راهي ورود ماابانش حسها وين تغبرت ؟؟
رائد : ايفا راهي في غيبوبة
الخبر طاح عليهم كي الصاعقة اللي فرح فرح واللي حزن قريب يبكي شاف اياد فيه مشوكي البارح برك وهو معاهم زاد شاف مع اسما اللي غمضتلو عينيها تاع مبعد نحكيو عرفها مخطط
مجيد بشر : لاه وش بيها ؟؟؟؟ كيفاه حتان صرالها هكذا؟؟
خلود : ياناري على الطفلة مسكينة الين وتالين وين ؟ علابالهم ؟؟
رائد : ام مع اوس ماتخافوش
سعاد : وكتا تفيق ؟؟
رائد بحزن: منعرف الطبيب قال يمكن اليوم يمكن غدوة يمكن بعد شهر وبلاك عام 10 سنين على حسابها هي واحتمال تفقد الذاكرة
خلود ببكاء : علاااه مسكينة علاه بناتها يحتاجوها وسيرتو اوس راح ينقم عليا كثر وكثر شواولي كبدتي عليه اذا تركاتو ورود عمرو يسامحني
هداتها سعاد ومدتلها كاس الما شرباتو وحتى من دنيا تبوس وتحضن فيها باش تكالمي روحها خيرمن تطلعلها لاطونسيون
محمد بخبث : كيفاه صرا ؟؟
رائد : منعرف لقيناها مرمية فوق صخرة على اعلى منحدر مزال مبان شي كانت في حالة ومتصاوبة مزال معرفنا شي حتان تفيق ونفهمو الحكاية منها
فرحو في داخلهم والفرحة ميش سايعة (محمد ومجيد واسيا ) واخيرا تهناو من الراس الكبير بصح مزال بقائها على قيد الحياة يشكل عليهم خطر لازم يكملو مهمتهم ويقضيو عليها
اسيا بتمثيل : وشمن سبيطار راهي نروحو نطلو عليها مسكينة ؟
اسما بين شفايفها : نتي اللي مسكينة ..يسكنك في غار حنش ان شاء الله
ضحك اياد على هدرتها بالصوت شافو فيه كاامل وهي قعراتو بالتخنزير وقرصاتو من تحت الطابلة بيسك كانت قاعدة بجنبو
اياد : والو والو جيست تفكرت وحد الحاجة
رائد : حتى انا سمعت
اللي ثم مافهمو والو كلامهم ملغم وموش مفهموم اسيا : ماجاوبتونيش وشمن سبيطار راهي
فاطمة : ونتي لاه تحوسي وش دخلك ؟؟ ولا تحوسي تكملي اللي بديتيه من زماان وتديري كيما درتي لأمها وباباها
اسيا وجها صفار وخضار ورائد رجع بفور كي تفكر الحكاية شاد روحو على شعرة ماينوضش يدفنها في بلاصتها كون ميش خطة ايفا
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
