قبل ماتبداو تقراو ديرو فوت البنات يخي ماتقعدش في يدكم
قبل 5 سنوات
قعدت تمشي في طريق خالية قليل وين تفوت طومبيل جات في بالها فكرة واللي هي تروح للبلاصة اللي فيها امها وباباها وعمها العالم هاذا كرهت منو عيشها في جحيم شافت الضو تاع الطومبيل ضارب فيها استقبلاتو بسهولة غمضت عينيها مستسلمة واخر حاجة هتفت بيها : نكرهك
رائد
خرجت من المطار ركبت طومبيلي ورايح مروح واخيرا بعد4سنين رجعت لبلادي خليتها سيربرايز ليما توحشتها وتوحشت الجو هنا ديماريت مداير الغنا ونغني نسوق رحت للطريق منين مايمشيوشفيها الناس بزااف طاحلي تيليفوني قعدن مكمل نسوق وهبطت نجيبو طلعت راسي وفرينيت بزربة
رائد: ينعل ال****وش جاب جدك هنا قريب باصاتني
هبطت منرفز اليوم يرخسها قريب قتلها وحصل وش جابها في هاذا الوقت في طريق كيما هاذي رحت لقيتها في حالة قشها مقطع جسمها كاامل ازرق ومدمدم غاضتني بزااف قلبي ولا يخبط بالزربة قريب يخرج قعدت نشوف فيها عينيها حسيت روحي نعرفهم زي لون عينيا قعدنا نشوفو في بعضانا مبعد بدات تترنح تتمايل وتبسمت معايا جات رايحة تطيح حكمتها قعدت نثبت في وجهها كأني شايفها من قبل هزيتها للطومبيل و ديماريت للدار مسافة طريق كنت ثم كان قلبي مقبوض عليها رغم اني مانعرفهاش هزيتها بين ذرعيا ودخلت للفيلا قابلتني يما
فاطمة : ياااا راائد شافت في الطفلة : شكون هاذي وش صرالها مسكينة ؟؟
رائد : منعرف عيطي للطبيبة تجي تشوفها
فاطمة : ايه ايه دقيقة اسمااا اسماااا
اسما : وي طاطا هييييييي شكون هاذي وش بيها مسكينة لاه راهي هكذا؟؟
رائد : شكون نتي ؟؟؟
فاطمة : روح حط الطفلة في البونك نشوفوها وش بيها مبعد نهدرو
راح داها حطها فوق السرير حطها بعدلها الشعر اللي طايح على وجهها شهقت اسما وحطت يدها على فمها
اسما بصدمة والدموع في عينيها : و . ورود
رائد : تعرفيها
اسما بالدموع وتبكي : ايه بنت عمي راحت تجري ليها وتهز فيها ممن كتافها : ورود نوضي اهئ اهئ تعيشي ماتخلينيش نتي اللي قعدتيلي من عايلتي اهئ اهئ نوضي ماتخلينيش وحدي علاه يعني علاه نوووضي
دخلت فاطمة على صوت البكا : خير وش صرا ؟؟ شافت في ورود مبعد حطت يدها على فمها تمنع الصدمة ورجعت لاور : ورود؟؟
وناضت تبكي هي واسما ورائد قعد غار يتفرج ماهو فاهم فيها والو يشوف في اسما تحضن في ورود وتبكي ويما قعدت في الارض وتبكي مافهمت والو منين تعرفهم يما قعدت محلل ونفسر حتان جات الطبيبة
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
