صح فطوركم البنات وماتنساوش تتفاعلو
عند اوس اللي كان قلبو عندها وموش مرتاح واحساس داخلو ميش مطمنو كانو يشوفو في بعضاهم مالقاو كيفاه يديرو كانت اسما تشوف في الباب بتركيز كأنها تخمم في حاجة تبدلت ملامحها في دقيقة كأنها اكتشفت حاجة تفكرت ايفا كيما نهار مثلو انهم مخطوفين مع البنات اللي كانو راح يصدروهم وتربطو بهاذ الطريقة ساعتها ايفا اللي حلت المشكل وحلت الربطة عدلت روحها مليح على الحيط اللي متكية عليه هزت خصرها من على الارض بصعوبة بيسك حتى رجليها مربوطين ضمت رجليها لصدرها وخرجت يديها تحتهم ولاو لقدام يعني تقدر تستعملهم بسهولة (فهمتو ؟؟ جربو ديرو يديكم كأنهم مربوطين ورا ضهركم كيفاه تقلبوهم للقدام نشاله تكونو فهمتو قصدي مالقيتش كيفاش نشرحلكم )
طلعت يدها ونحات السكوتش من فمها
ضمت رجليها مرة اخرى وبدات تفك فيهم بعد مدة كانت حلتهم قعدت على ركايبها وحلت ربطة اياد على يديه وهو ثاني نحالها الريطة على يديها ومشاو تفرقو وفكو لخراين
امير : بون ايدي فكرة هايلة نستعرف بيك اسما
اسما : هههههه والله غار طريقة ايفا شفتها نهار درنا روحنا مخطوفين مع البنات اللي رايحين يصدروهم تشفا رائد ؟؟
رائد : ههههه ولاه ننسا انا مصايب ايفا معلابليش منين تجيب الافكار
اوس قعد غار يشوف ويسمع عليها كل مرة يكتشف حاجة جديدة
شاف فيها وراح ديراكت حضنها بكل قوتو وبسلم على راسها وحتى هي بادلاتو والدموع في عينيها
حياة : اوس!! يا روحي كبرت ورجعت راجل
اوس : طلعتي عايشة يا جدة ميش مصدق
حياة : ايه روح روح وليدي شوف ورود ماتخليهاش منعرف وش يدير فيها هاذاك ابليس
قاطع هدرتهم صوت رصاصة اللي صادى صوتها في البلاصة جمدو كامل في بلاصتهم ماقدرو يتحركو ولا حتى يتوقعو ويخممو شكون مشا اوس يجري كان الباب مغلوق يخبط فيه على طولو موش قادر حتى يتخيل وش صرا ولا كي المهبول عاون اياد ورائد وامير بعد مدة باش قدرو يكسرو هاذاك الباب انطلق رائد يجري حتى هو موش قادر يتخيل حاجة تقيس اختو ماصدق لقاها عمرت عليه الدنيا وزادت ذوق ومعنى لحياتو واوس كيفكيف حرق الارض يجري كي المهبول
-----------------------------------------
بعدت عليه بعد الطلقات اللي خرجو من السلاح حط يده بلاصة الجرح و عينيه حمارو مبعد طاح في الارض على كرشو وهي رجعت خطوات لاور تغمض في عينيها وترجع تحلهم بالسيف ورجعت تتنفس بصعوبة ووجهها يتصبب بالعرق زادت وتيرة التنفس تاعها وعينيها مزالو مركزين مع ايمن ومارمشتش دقيقة مزالها في صدمة تفتح الباب على طولو وهي ماكلفتش روحها تهز عينيها ليه وهو تنهد براحة كي شافها فوت النظر تاعو على الغرفة اللي ولات مصبوغة باللون الاحمر كأنو مجزرة وموش مصدق اللي هي دارت هاذا الشي كامل شاف فيها وراح يجري حكملها وجهها بين يديه مربوث
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
