لهيب الانتقام ♥ ا(باللهجة الجزائرية) ♥

البارت 48

شاف فيها نظرة تقتل  عينيه حمورة  وعروق رقبتو بانو شاد روحو على شعرة

اوس : صح وش راهي تهدر؟؟؟

قعدت تشوف فيه بلامح جامدة مي دخلها النار شاعلة تحب تبين روحها قوية مي هي من الداخل ضعيفة  ومايعلم بيها غار ربي  

اوس بالعياط : انطقيييييييييييي

ايفا ببرود : ايه 

اوس : وتزيدي تهدري فيها نورمال كلي مادرتي والو  ضك تشوفي  راح نرفع عليك قضية وتشوفي كون مانديهمش مانتسماش اوس 

هنا ايفا تقلبت ولات كي الشيطان ماتشوفش متوالها  : مستحيييييل هاذو بناتي انا فهمت ؟؟ هاذو بناتي انا وحدي ومارحش نخليك تديهم  وهاذي من المستحيلات السبعة 

اوس بالعياط : مالا بيناتنا القانون هو اللي يحكم حتى انا نسال فيهم كيما هوما بناتك هوما ثاني بناتي راح نرجعهم بأي طريقة كانت  

ايفا  : جامي غار نتا ماعندكش حق تقوول بناتي فهمت ؟؟ كون عينك فيهم  كون من النهار اللول ماخليتنيش هكذاك  استرجلت عليا واغتصبتني  

اوس : حتى وكان هكذا ماعندكش الحق تبعديهم عليا 4 سنين كاملين معلاباليش بلي راهم كاينين في الدنيا ماشفتهمش ماشفتهمش كيفاش مشاو لاول مرة اول كلمة نطقوها ماشفتش طفولتهم ماعشتش معاهم وولعبت معاهم وفوق هاذا حاسبتني دخيل عليهم وانا باباهم براافو 

ايفا جاتها هستيرية وجهها حمار والدموع يطيحو وحدهم شحال عندها مابكاتش اليوم طاحو دموعها علاجال بناتها فكرة انو يديهم تقتلها الف مرة  راحو الين وتالين يجريو حضنوها وتخباو وراها 

الين ببكاء : ماما ماتخليناش انا مانروحش معاه مهأ 

تالين : انا ثاني نحبك ماما ماتخليهش يدينا 

هبطت ليهم وضمتهم بكل قوتها واوس ولا مايضويش بناتو ضك كرهوه  وبسبتها اصلا لضك مزال ماتقبلش فكرة انو هو اب وبناتو ترباو بعاد عليه  راح ليها حكمها من ذراعها يسحب فيها بقوتها وهي ماقدرتش تتحرر من قبضتو ضعفت في هاذيك الدقيقة وخارت قواها فشلو رجليها ميش قادرين يحملوها كان رائد رايح ليه حبسو اوس بيدو والتوام ناضو يبكيو  وواحد ماقدر يدخل اوس كان في قمة الغضب تاعو خلوط طاحت الارض تبكي كلش بسبتها 

الين : اسممممع اطلق ماما اهئ اهئ

هو كان ولا على بالو سحبها بقوة وطلعها لغرفتو  غلق الباب ورماها  شد شعرو بقوة ماعرفش وش يدير وهي زادت عليه واستفزاتو

ايفا بسخرية : هههههه وش راح تدير تضربني ؟ اتفضل  هاني قدامك وفرغ غشك ولا حبيت اغتصبني كيما المرة اللي فاتت 

راح ليها حكمها من فكها ورجها لاور خبط ظهرها في الحيط حساتو راح يطير من ذيك الضربة  : شوفي ورود ماتستفزينش اتقي ناري راني نولي مانعرفش صلاحي كي نتنرفز  وبناتي راح تديهم برضايتك ولا غصب عليك