لهيب الانتقام ♥ ا(باللهجة الجزائرية) ♥

البارت 62

فوط + كومنتار وصح فطوركم 

بعد شهر

فات شهر على ابطالنا راح نلخصلكم وش صرا فيه

 يفا من هاذاك اليوم تبدلت وتقلبت ورجعت تتجاوز اوس وتتجنبو كلما تجي تحن عليه وتقربلو تتفكر وش صرا فيها رجعت تعاملو سطحيا برك وهو طبعا كان مجروح منها ووجعوه تصرفاتها وكلماتها المسمومين قنع روحو انو هي بحد ذاتها موجوعة عاش اجمل ايام حياتو مع بناتو وتعلق بيهم اكثر واكثر علاقتو بيماه مزالت سطحية ويعاملها ببرود وهي طبعا مجروحة وتشوات كبدتها عليه بصح مالوماتوش بالعكس عندو الحق يزيد عليها تأنيب الضمير اكثر واكثر كي تشوف فرحان مع بناتو وحتى هي رجعت تحبهم وتمووت عليهم ماهما كبدتها وكانت اغلى امنياتها تشوف احفادها وهاذا الشي اللي فرح ايفا وخليها مطمنة اتقبلوهم ثم ثم ووالفوهم وعاملوهم بطيبة وحنانة اكثر ماكانت متوقعة هكذا استراح قلبها وعقلها عليهم واياد تقرب بزااف من اسماء رجعت الاكسيجين اللي يتنفسو وهي ماكانتش اقل منو وتعرفو على بعضاهم اكثر وسعاد بطبعها فرحان بولدها وتهانات عليه بعد ماتهنات على اختو ريحان وكملت فرحتها ع الحفيد اللي جاي في الطريق ومزالت لضك تشكر في ايفا اللي منعتها من الغلطة اللي كانت راح تغلطها هاذاك النهار وطبعا ميش راح ننساو الثنائي لخراين عصافير الحب رائد ودنيا اللي غرقها بحبو ورجع يعشقها للنخاع ومدمن عليها وهي كيفو ولا انقولو اكثر حبهم مكشوف وباين نضراتهم يفضحوهم قدما يحاولو يخبيو مايقدروش اما عفاريتنا الصغار ماهم مخليين حد ينبشو من كل الجوايه ويحشمو دنيا واسما يخليوهم يتمرغو في حشمتهم والمقالب الشيطانية تاعهم وبالاضافة لفاطيمة الضيفة الجديدة اللي جات حتى معاهم وحتى من امير وماريا وهاذا تحت اصرار الين وتالين اللي لصقو في ليث وطول الوقت يلعبو معاه

***********************************

فاقت الصباح على اشعة الشمس اللي تداعب في وجهها شافت في السرير فرغان عرفتهم ناضو ديجا هاذ الشهر كلو يباتو يوم بيوم مرة عند امهم ومرة عند باباهم بعد مارفضت ايفا رفضا قاطع انها تبقا معاه في نفس الغرفة شافت في ساعتها كانت 6.30 كسلت عضامها وهبطت من السرير دارت حركات رياضية خفاف تنحي الخمول اللي عليها

ايفا : افففففف لازم نولي ندير سبور شهر ما درتش لاول مرة تصرالي كلو منو ماخلانيش تحركت من السرير

تبسمت في سرها كي تفكرت اهتمامو المفرط وتفكرت طول هاذ الشهر يجي ليها في الليل كي تكون راقدة ولا نقولو هو يحسبها راقدة يبقى يشوف فيها يبوسها من جبينها ويخرج

مشات لا دريسينغ اول حاجة دارتها مشات جابت مقص قصت شعرها لعند كتافها بعد ماطوال ورجع يوصل لنص ظهرها وماهمها شي كأنو هدرتو دخلت من وذن خرجت من وذن نشفاتو وليساتو ولبست قش السبور بيستي نوار فوق الصرة وفيزو نوار ثاني اونسومبل مع بعض PUMA