صح فطوركم البنات ماتنساوش تتفاعلو فوط + كومنتار
مشا هازها بين يديه معلابالو بحتى واحد كامل الانضار متوجهة ليهم في زوج حطها في طومبيل وهبطلها الكوسانة شوي باش تقعد مستراحة وهي ماحبتش تهبطو بزاف تكرها تكات راسها ع الكارو تتفرج حتان داتها عينها من تأثير المخدر يسوق في الطومبيل وعينيه عليها يشبع فيهم منها يشوف في كمية البراءة والهدوء وهي راقدة عكس العاصفة تاعها كي تكون نايضة وصل للفيلا تاعو حب يبعد ويستفرد بيها هاذ اليامات كانت فيلا بزااف شابة وابداع وتبث الراحة والاعجاب مقدرة ماهي صغيرة ماهي كبيرة هبط وراح للجيهة اللي فيها ورفدها عدلت روحها وتكات راسها على صدرو لا ارادي تبسم هو وباسها من جبينها
حطها في غرفتو اللي كانت طاغية عليها ريحتو وبارفانتو حطها بالعقل فوق السرير وبالسياسة كأنها جوهرة ولازجاجة خايف تتكسر غطاها ومسح على شعرها بحنية وطبع بوسة مرصوصة وحنينة على جبينها
اوس : راح نسيك ياورود في العذاب اللي عشتيه بسبتي نوعدك راح نخليك تحبيني من جديد واكثر من قبل
تبسم ومشا غلق الستائر باش مايجينيهاش الضو و راح للدوش تحمم بالما السخون رخا اعصابو ونحا تعب اليوم يمكن هاذا اصعب يوم فوتو في حياتو من نهار ولد خرج لقاها مزالت على حالتها راقدة توجه لادريسينغ لبس قشو و تأنق كي عادتو و خرج
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...