البنات ديزولي طولت عليكم علابالكم كانت سمانة اختبارات ولا تقدرو تقولو فوتنا كامل كومة والستراس تاع الماتش هاذا البارت في خاطر الماتش كي ربحنا
فوط + كومنتار
في بلاصة اخرى كانت مربوطة في الارض وطرف قماشة على عينيها حالتها حالة وجهها مضروب والدم يسيل من كل بلاصة من الخبط اللي داتو تشم في ريحا متعفنة وعرفتها تاع واه وهي اللي عيشت اعدائها اسوء ايام حياتهم كانت ريحة الدم
الحديث بالانجليزية
ايفا : ياااااااا الحيوان ياا لطحان يا الرخيس يلا كنت راجل ارواح متوالي نعتلك اللعب تاع الصح تخاف من مرا ؟؟
كانت تعيط بكل قوتها حتان تحل الباب مداير ضجة تالمون قديم بزاف سمعت صوت اقدام يقربو ليها
ايفا : ارواح فكني ونلعبو انا وياك لعبة صدقني راح تعجبك
الراجل : اششش اسكتي شوي صدعتيلي راسي ضربنالك قريب 10 ابر مخدر ماحكموش فيك ديتي الضرب هاذا اكل ومزال تحلي في فمك
ايفا : ايه مايحكمش فيا حتى انو يحمسني ويطلعلي نسبة الادرينالين والإندروفين ويديا يوكلوني ومخي يعود يدومندي العنف تسما راكم غار تصعبو في الامور على روحكم اما من جيهة الضرب متهني ميش انا اللي نخلي الحساب مفتوح
الراجل : اممممم خلينا من هاذ السوجي ... لاطاي تاعك تفتق وجسمك مغري وش رايك نفوتو ليلة كيفكيف مقابل اني نخليك تهربي
ايفا بسخرية : ارواح فكلي يديا مبعد ساهلة
تنفضت على صوت رصاصة ملا صوتها البلاصة وماكان غار هاذاك الراجل اللي طاح جثة هامدة فوق الارض ناضت تضحك بسخرية
ايفا : ههههههههههههه تتت مسكين ماخليتوهش حتى استمتع كان ناوي يرقد معايا .. خسارة كون غار خليتوه كنت راح نخليه يقعد يتفكر هاذي الليلة طول حياتو طبعا اذا قعد حي
مشا هو سحب كرسي وقعد مقابلها وحاط رجل فوق رجل
ماثيو : اووووووو رحبو بيك مليح ؟؟
ايفا : وي بزااف اكثر ماتتخيل عجبتني فوق الحق بصح انا علابالك ضيافتي مختلفة بزاف على تاعكم ... تاعكم ديمومدي تاعي درتلها ميزاجور واحد مايقدر يدير كيفها اصلا مكانش واحد يكرم الضيف قدي يجي نهار نذوقك من ضيافتي ماتخافش وهاذا وعد مني والله وانا نوفي بوعودي
ماثييو : امممم باين بصح قالولي ماحبيتيش تتروضي حتى اقوى انواع المخدرات ماتحكمش في جسمك قوليلي وش دارولك المخابرات في دمك عجبتني والله
ايفا : هههه ماشي في دمي عقلي .. عقلي يأبى المخدر كي تحقنلو المخدر في الدم كأنك حمستو وكأنك تفيقو تقولو نوض افتق هاذو على 77 طرف ويولي يدوموندي العنف
DU LIEST GERADE
لهيب الانتقام ♥ ا(باللهجة الجزائرية) ♥
Sachbücherماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
