لهيب الانتقام ♥ ا(باللهجة الجزائرية) ♥

الحلقة32

قبل ماتبداو فوط + كومنتار

ديزولي طولت عليكم  راكم علابالكم القراية ومشتقاتها

---------------------------------

راحو في ستة يجريو لبلاصة الشاحنة لقاوها مزال دقيقتين وتطرطق 

اياد : هيا نهربو وش راكم تستناو

قلبت انجل عينها منو : ماتجي تخطي ميترة تكون تفجرت مايبقا حى طرف من جسمك وحنا في حيانا نهربو من حاجة 

تقلق اياد من هدرة هاذالسنفورة اللي متوالو  حسها مألوفة عليه قد النملة تعمل عملة  متوقعش من طفلة كيفها وببنية جسمها هاذي تقدر تقنص وتقيس ذاك الهدف  قدقد 

قعد اوس يشوف في القنبلة هاذيك اول مرة يشوف وحدة هكذا  راحت ايفا هزتها بيدها تقلب وتتفقد فيها كانت قد حجم اليد 

ايدن : وش كاين؟؟؟ عرفتيها؟؟

ايفا : مكانش مجال من الهروب  ومقعدش متوالنا وقت  قنبلة القيصر  قنبلة هيدروجينية مي بدلو فيها شوي مكونات هاذي اخطر قنبلة في العالم ماتستهزاوش بحجمها اذا انفجرت راح تهلك البلاد وتحرق الاخضر واليابس  قوة التفجير تاعها  80ميجا طن بعد ماكانت57 بعد الحرب العالمية الثانية هيا ضك خدمولي مخاخكم وماتقعدوش تتفرجو فيا هنا

جات رايحة تجبد الخناجر من حقيبتها لقاتها مكانش طيشتها كي كانت تلحق في ماثيو 

ايفا : اعطيولي حاجة حادة 

شافو كامل في بعضاهم            ايفا : نعل&&&&& 

ايدن: راح كلش داخل المقر

ايفا: هيا روحو حوسو على حاجة حادة ماتضيعوش الوقت

 تفرقو يحوسو كيما قاتلهم شافت في الوقت لقات موالت دقيقة وحدة مسحت العرق من جبينها تأففت وناضت  هزت حجرة من الارض وخبطة كارو الطومبيل اللي كانت متوالها دارو كامل على صوت التكسار  والزجاج كان متناثر في كل بلاصة  ومن سوء الحظ كانت سيارة اوس  قعدو حايرين وش راهي تدير 

اوس بالعياط  : ن&&&&&&& وشبيه ربك لاه تكسري فيها ؟؟ 

ضرباتو برصاصة لرجلو خدشاتو برك تعمدت ماتقيسوش ومافهمتش علاش  كانت من قبل حابة تعطيه رصاصة لقلبو تتهنا منو مي حاجة اقوى منها منعتها حاجة اكثر منها ماتقدرش تشوفو يتوجع  

ايفا ببرود : ماتعليش صوتك عليا  مزال ما ولدش اللي يرفع صوتو عليا

جا رايح يضربها بكف مي هي  كانت اسرع عطاتو بوكس لوجهو حتان حس فكو رايح يطير كم بلاصتو في حياتو دا بوكس هكذا  ساح الدم من فمو  حس يدها حديد اللي يجربها مايحسبهاش طفلة 

ايدن بهمس لانجل : بدات الحرب  ياجدك  وتلاقاو كيفكيف وحنا راح نروحو في الرجلين نموتو معاهم