فووط + كومنتار وصح فطوركم البنات كي راكم ؟؟
وصلو بسياراتهم مستفين ورا بعض هبطو كامل في نفس الوقت شافو في البلاصة غريبة عجيبة كانت كأنهم في فيلم متوالهم منحدر عااالي تحتو نهر وعلى يمينهم ويسارهم غابة بأشجااار طوييلة وكبيييرة كانت بلاصة خالية مخلية تخوف ومهجور مافيها حتى صوت حتى من الطريق مخلطة وصعيبة شافو في المكان مكاين حتى حاجة تدل على بيت ولا مقر
ايهاب : لاه جبتو جدي هنايا ؟؟؟ ماتكونوش راح تقتلوني وتدفنوني هنا وحد مايجيب خبري
امير : حتى انا لاخبر يضهرلي رائد وايفا مخططين لحاجة ماشي مليحة انا ماسترحتش لهاذ البلاصة
ااياد : هيا بركانا من سماطتك
رائد : نباتو هنا واقيل ؟؟؟
على صوت طومبيل هزو روسهم كامل لجيهة الصوت كانت طومبيل قري تفتق odi اطرافها نوار كانت تبرق من بعيد وصلت بسرعة خياللة متوالهم والغبار وراها حبست قدامهم وكامل يستناو شكون اللي داخلها هبطت منها بطريقة مغرية اياد طاح قلبو بين رجليه كانت ملكة قلبو وعرشو وحبو اسما كان منظرها يفتق لابسة سروال جين نوار مع بودي نوار وفاست كوير وباسكات بلون نحات اللينات وشافت فيهم اياد مزال ماافقش من صدمتو مشات جيهتهم تتبسم
رائد : ديجا رحتي وجيتي ؟؟؟ وبدلتي قشك ؟
اسما : ها مالا نبقا نقسر ؟؟ لاه مادخلتوش
رائد : هاذا وين وصلنا
ايهاب باعجاب : شكون هاذي ؟
اسما: انا اسما بنت عم ايفا و رائد ونتا نظن ايهاب لالا ؟؟
ايهاب : وي تشرفت بمعرفتك انسة
مدلها يدو شافت فيها وفي يدو جات رايحة تصافحو سبقها اياد مد يدو وصافحو
اياد : لم يديك وعينيك خيرمن نلمهملك انا بطريقة اخرى
ايهاب : ههههه مغيار ميش رايح نديها ماتخافش اذا كنت رايح ندي وحدة نديها كيما ايفا صراحة عجبتني شخصيتها
اوس كان يشوف ويبحلق في البلاصة تنطر على جملتو اللي نرفزاتو : اي اي اي علامن راك تهدر ايا لم روحك لا ضك نمرمد ضك دين باباك علابلك عينيك نقلعهملك
امير :ههههههههههههه وشبيكم لاه كلبتو هكذا السيد عندو مدامتو معمرتلو عينو وهابل عليها معلابالوش بجدكم طوول
على سيرة هاذا الموضوع تبدل وجه ايهاب من البسم للحزن والعبوس توحشها وتوحش هبالها وضحكتها ربت عليه اياد على كتفو
اياد : راح تلقاها ماتخممش نشوفو ايفا بلاك تعاوننا
رائد : ايه تعاونك بزااااااف بزااااف وتلقاها
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
