لهيب الانتقام ♥ ا(باللهجة الجزائرية) ♥

البارت 65

  اسمحولي علابالي طولت عليكم بيسك تفاصالي الواتباد وكي عاودت طلعتو نسيت الموتباس باالسيف با تفتح     ...   يامعشر الاناث تفااعلو 

قعدت تتفرج في ذاك الراجل وتتبسم ومرة على مرة تشوف في ايمن   فوتت نظراتها على الرهائن كامل واللي كانت نظرتهم كلها رعب وخوف وهوما يشوفو ويسمعو في ذاك الراجل يعيط من الوجيعة اللي يحس بيها علابالهم مصيرهم راح يكون كيفها ومكانش مفر  شافت في رائد ميلتلو راسها  هزلها راسو بايه شمر على ذرعيه ودخل فيه باللي بوكس وجهو ولا مايبانش وصرختو تتسمع من برا وهي تستمتع بصراخو كأ نها تسمع في اغنية   وتلعب بالخنجر على فخذها شافت في ساعتها لقات راح الحال وفاتت ساعة وربع نفخت وتكات على فخاذها وناضت 

ايفا : بعد طولنا بزاف مزالت قدامنا خدمة اتهلاو في الباقي حتان نخلص حسابي مع هاذا 

خرجت وبعد دقايق رجعت معاها 2 من اللي قارد شافو فيها متعجبيين ضمت يديها تحت صدرها وتشوف فيهم فكو هاذاك الراجل وعلقوه في البلافون من رجليه وراسو من التحت وهو شبه واعي بلاما يحكيو حتى كلمة خرجو حتى شكو الباقين انهم الة وخلاص

شافت ايفا في الفاست تاعها وعوجت شفايفها وشافت في اوس بنص عين تحت رموشها كان مشغول مع الباقي وحما دمو عليهم  بيسك اخطر واشهر المافيات اللي حد مايحلم يمسكهم او حتى يشوفهم لوجه لوجه ضك قدامو ومقييدين ميش رايح يضيع الفرصة ومايعطيهمش حقهم اما ايفا بعد ماشافاتو مشغول وحد ماهو مركز معاها نحات الفاست ورماتها فوق الكرسي مشات لطاولة كانت ثم خزت حديد يركبو في المفاصل تاع الاصابع ومشات للراجل  البريطاني اصلا تكره برطانيا ككل وسيرتو العباد اللي كيما هاذو وهاذا كامل على اعتقادها انهم هوم السبة تاع الحالة تاع فلسطين ضك  عطاتو بوكس لوجهو بصق الدم  زادتلو اوخر ع الجيهة اللي ملهيه واحد ورا واحد حتان ولات ملامح وجهو متبانش والدم في كل بلاصة  ضرباتو في كل انش من جسمو حتان اغمى عليه مشات جابت ما بارد مثلج دفقاتو عليه  ناض مفزوع يعيط شافو كامل جيهتو حتى هوما دارو الشي اللي قاتلهم عليه ضربوهم كامل غار واحد وحيد ماتلاحوش ليه وهو ايمن اللي مخلياتو ليوم لا تشخص فيه الابصار حكمتلو فكرو وتلز علا طولها وغرست ضفارها فيه وتحكي وتلز على سنيها 

ايفا : قلي شكون هو الرئيس تاع الموساد  ؟؟

ماهدرش اصلا موش في وعيو حتى زادت ضغطت عليه عيط يتوجع : فرصة اخرى لا غير شكون هو الرئيس تاع الموساد ؟؟ وين هو المقر المركز الرئيسي  تاعهم  ؟؟

ماجاوبش مرة اخرى اصلا وش يجاوب مستحيل يبوح بسر خطير كيما هاذا   اعطاتو بوكس خلاف بعدت عليه خطوات وجبدت السلاح من خصرها  وخسرت عليه رصاصة في وسط جبينو   ميش حابة تكسر راسها ولا تضيع وقتها عندها خدمة تستنا فيها اوس يشوف فيها وبرودة قلبها مركز مع عينيها يحوس على كشما صفة ولا نظرة ورود يحوس ع البراءة  كانو عينيها خاويين من اي مشاعر غار الجدية والثقة