فوط+كومنتار
****1: شكون نتي؟؟ شكون ورود ؟ بنت من .؟
ايفا : خسارة عليك جدي هاذي انا حفيدتك بنت بنتك ماعرفتنيش؟؟
دمعو عينيه موش مصدق نهار شافها اخر مرة كانت قد كف اليد ضك ولات مرا الله يبارك فوتو كوبي على امها في كلش حللها يديه راحت تجري عنقاتو والدموع في عينيها حست براحة وطمأنينة وشعور جديد عليها تاع واحد في كتفها هاذا وش بقالها من ريحة امها كان يبوس في وجها من كل انش وهو قلبو طاير من الفرحة
ابراهيم : ورود ياعمري يا كبدتي كبرتي وليتي شابة ومرا فوتو كوبي على ليلى سبحان الله
مسحت ايفا الدموع اللي في عينيها وهي فرحانة : جيت نخرجك منا جدي انتا وماني حياة
حياة : يابنتي وش جابك لهنا بين هاذ الوحوش ميش راح يخليوك في حالك
ايفا : متخافيش عليا ما دام جيت علابالي بلي قدها وانا عندي وقت وانا ندرس في المهمة هاذي بأصغر تفصيلة كنت قادرة نقضي عليه في ذاك اليوم كي هو كي مجيد مي نتوم جيتو في الطريق ميش راح نوصللكم كون قتلتهم هوما الخيط اللي وصلني ليكم.... كيفاه راكم ؟؟
ابراهيم : وش نقلك والله من هاذاك النهار وحنا محبوسين هنا
ايفا : جدي معليش تحكيلي الحكاية كاملة ؟؟؟ بيسك جابلي ربي راهم لعبو بعقل اوس
حياة والدموع في عينيها : يا عمري يا ورود تعيشي خبريني على اوس كيفاه ولا وش دارولو توحشتو من نهار كان في عمرو4سنين كي كنا نلعبو في الجاردان ماشفتو وماشميت ريحة حفيدي
ايفا : راهو لباس عليه ماعندو ماخصو نهار يفرا كلش وتتحل هاذي العقدة كسع نصفي الحسابات معاه
حياة :هههههه كون راهو راجل ضك باين راهو تبدل .... قوليلي ماتزوج مادار دار ولا مزالو باير وحدة ماقبلت بيه
ايفا : هههه نو تزوج
حياة : قوليلي مرا مليحة فحلة ؟
ايفا بتوتر : امم منعرف خلي كي تخرجي تشوفيها بصح ماكملوش كيفكيف
حياة : الحيوان هاذا نتلاقاه نعتلو وجه الشر
ابراهيم : سكتينا شوي خليني نهدر معاها نشبع من ريحتها
حياة : اففففف وشبيك هاذا ع العام هكذا مصور كبير وجايح
ايفا : ههههههههه
شافو كامل جيهة الباب اللي تحل ودخل منو ايمن
ايمن : اووووووو واخيرا تلم الشمل وش تعرفتو على بعضاكم ؟؟؟
حياة : رخيس امشي برك ياوحد *** مسموم زي جدك ويماك الافعى
ايمن : مارسي ليك ماني والله فرحتيني بهدرتك وشكرا لأنك تحبيني بزاف
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
